Тырныауузда грек-рим тутушууну айнытып башлагъанла СССР-ни спортуну усталары Байзуллаланы Юсюпню бла Мирзойланы Хызырны хурметлерине жоралап, жыл сайын турнир бардырылады. Быйыл да анга бизни республикадан, Дагъыстандан, Чеченден, Ингушетиядан, Ставрополь эм Краснодар крайладан, Москвадан, Къалмукъдан эм башха субъектледен аслам адам къатышхандыла.

Къабарты-Малкъарны спортчулары талай майдал алгъандыла. Биринчиле Анзор Карагулов (63кг.), Аслан Толов (67кг.), Кантемир Шамурзаев (77кг.), Станислав  Псеунов (87кг.), Осман Шадов (130кг.) болгъандыла. Экинчи жерлеге Алим Таов (63кг.), Хатали Сарбиев (72кг.), Сотталаны Адилгерий (77кг.), Альбиян Шомахов (87кг.) чыкъгъандыла. Сослан Жамурзов (63кг.) ючюнчю болгъанды.

Кульчаланы Зульфия.