Росгвардияны КъМР-де Управлениясыны къуллукъчулары «Хорламны диктантына» къатышхандыла. Ала бу тарых магъаналы жумушну 3500 метр бийикликде Приэльбрусьени къоруулаучуларыны хурметине ишленнген эсгертмени къатында толтургъандыла. Аны юсюнден бизге ведомствону пресс-службасындан билдиргендиле.

Диктантда Уллу Ата журт урушну тарыхыны, аны кезиуюнде жигитлик  болдургъанланы, къазауатны юсюнден эсгертмелени бла чыгъармаланы юслеринден болгъанды.

«Хорламны диктантын» бу бийикликде бардырыргъа уа аскерчиле бошдан сайламагъандыла. 1942 жылда бу жерледе къанлы сермешле баргъандыла.

- Кавказны эркинлиги ючюн   жанларын бергенлени атлары жюреклерибизде ёмюрлеге сакъланырыкъды.  Алагъа этилген хурметге келир тёлюлени юйретирге борчлубуз,-дегенди Управленияны башчысыны орунбасары  Алексей Трушин.

Тикаланы Фатимиа хазырлагъанды.