КъМР-ни Башчысы Казбек Коков республиканы инсанларыны къаууму бла кезиулю кере тюбешгенди эмда аланы тилеклерине бла тарыгъыуларына тынгылагъанды. Бу жол саусуз сабийлери болгъан юйюрле къыралдан болушлукъ излегендиле. Ала эрттеден ауругъан балачыкъларына федерал медицина аралада бакъдырырча эмда реабилитациядан ётерча онгла берирлерин тилегендиле. Республиканы оноучусу социал жаны бла жууаплы   министерстволагъа тийишли буйрукъла бергенди.

Андан сора да, Кёнделенни орамларындан бирин суу бла жалчытыргъа, Огъары Акъбашда Уллу Ата журт урушда жоюлгъанлагъа эсгертме сюелген жамауат тийрени тапландырыргъа себеплик этилликди. Казбек Коков ол объектлени тийишли программагъа къошаргъа кереклисин эсгертгенди.