|
Тазалыкъны изеую
6 августа, 2022 - 13:12
Кёп болмай КъМР-ни Табийгъат байлыкъла эм экология министерствосуну болушлугъу бла "Вода России" Битеуроссей акцияны эм «Общий сбор» конкурсну чеклеринде минг атлауучну тийресинде субботник ётгенди. Ол кюн Нальчик сууну боюнуну 1,5 километр чакълы бирде тазалап, 350 килограммдан аслам кир-кипчик жыйгъандыла.
Эсге сала айтсакъ, череклени жагъаларын зыбыр къалгъан-къулгъанладан тазалау бла байламлы «Вода России» акция «Тамаша суу объектлени къоруулау» федерал эм «Экология» миллет проектлеге кёре республикада сегизинчи кере бардырылады. Саулай алып айтханда, быйыл анга къыралны 85 регионундан 7 миллион инсан къошулгъанды. Аланы кючлери бла 10 300 суу объектде 638 000 куб метр зыбыр къалгъан-къулгъан кетерилгенди.
Бу жол республикалы акциягъа тёгерекдеги тийрени эм табийгъатны тазалыгъына уллу кёллю болмагъан аслам адам къатышханды: КъМР-ни Табийгъат байлыкъла эмда экология министерствосуну, "Делай!" волонтёр-эколог битеуроссей организацияны бёлюмюню, Волонтёрланы ресурс арасыны, «Экологистика» биригиуню, «Советская молодёжь» газетни келечилери эм башхала къатышхандыла. Хар замандача, Къабарты-Малкъар къырал университетни "Зелёный дозор"волонтёр-экологлары да ахшы къошумчулукъ этгендиле.
- Акцияны магъанасы жамауатны, бютюнда жаш тёлюню экологиядан билимин ёсдюрюрге, суу объектлеге эм башха табийгъат жерлеге аяулу кёзден къараргъа юйретиргеди. Быйыл бу магъаналы ишге танг кесек адам келгени бек къууандыргъанды. Ангыласакъ, адам улугъа таза суудан уллу байлыкъ жокъду. Бюгюн уллу кёллюлюк этсек, тамбла аны табаргъа къыйын боллукъду. Ол себепден «Вода России» Битеуроссей акцияны болмагъанча магъаналы, керек ишге санайма,- дейди КъМКъУ-ну волонтёр-экологларыны къауумуну таматасы Кристина Коломыльцева.
Магометланы Сулейман.
|
26.04.2024 - 09:03 Эрттенликде уяннганлай, башынгы жастыкъдан айыралмай къалсанг, ангылайса: биягъы къан басым. Жаз башы, жауунла, кюн бирде жай, бирде къыш, къан басымны терк тюрленнгени…Не зат этерге боллукъду? |
|
26.04.2024 - 09:03 Дондагъы Ростовну «Левенцовский» спорт арасында эстетика гимнастикадан «Оскар» деген облатсь даражалы тёрели эришиу къуралгъанды. |
|
25.04.2024 - 14:00 Нальчикде дзюдодан Сбербанкны кубогуна регионла аралы эришиу бардырылгъанды. Анга къыралны 7 субъектинден 200-ден аслам спортчу къатышханды. |
|
25.04.2024 - 12:25 Бюгюн КъМР-ни Башчысы Казбек Коков Нальчикде ишлене тургъан биринчи поликлиниканы жокълагъанды. Аны юсюнден республиканы оноучусуну пресс-службасы билдиреди. |
|
25.04.2024 - 09:03 Озгъан шабат кюн Нальчикде къан алыучу станцияда ишлегенле шахарда Къабарты-Малкъар Россейге къошулгъанлы 400-жыллыгъы атлы майданда, энчи машиналары бла тохтап, къан берирге ыразы болгъанладан |
|