Россельхознадзорну Шимал Кавказда регионла аралы бёлюмюню специалистлери ветеринария жаны бла «Меркурий» деген къырал системада информацияны сюзген кезиуде бизни республикада талай бузукълукъ тапхандыла. Сёз ючюн, Шегебахова А. А. энчи предпринимательни ол системада бёлюмюнде Шагебахов М. Х. деген биреу, анга эркинлиги да болмай, юйде этилген къаймакъгъа 172 электрон ветеринар документ жарашдыргъанды. Энтта да бир предприниматель (Шомахова А. С.) кесине продукция келгенини юсюнден билдирген 790 документни системада кёргюзтмей къойгъанды. Энчи предприниматель Долгов А.Н.  жарашдырыргъа алгъан 60 килограмм этни ашха жараулу болжалын беш айгъа кёбейтгенди. Ол информацияны уа сагъынылгъан системагъа тюшюргенди.

Ведомствода бу шартланы юслери бла материалла жыйышдырып, бирлерин МВД-гъа, бирлерин а Ветеринария управлениягъа жибергендиле. Ол предпринимательлени кеслерине да эсгертиуле этгендиле.

Омарланы Мурат хазырлагъанды.