КъМР-ни Башчысы Казбек Коков инсанла бла ыйыкъ сайын бардырыучу приёмун ётдюргенди.

Алгъын заманладача, республиканы оноучусу аслам эсни кёп сабийли юйюрлеге бёлгенди. Аланы юйлеринде чекленнген онглары болгъан сабийле бардыла эм къолайлары да артыкъ аламат тюйюлдю. Къаралгъан сорууланы ичинде башда сагъынылгъанлагъа аслам эс энчи медицина болушлукъ бериуге, реабилитация мадарланы этиуге эм жашау журт болумларын игилендириуге буруллукъду.

Казбек Коков приёмну бардыргъан кезиуде жашау журтла-коммунал мюлк жаны бла бир ненча соруугъа, ол санда кёп фатарлы юйлени алларында арбазланы эм республиканы эллеринде жамауат жерлени тапландырыугъа къарагъанды.

Битеу кётюрюлген соруулагъа кёре, тийишли буюрула берилгендиле, аланы жууаплы ведомствола къалай тамамларыкъларын КъМР-ни Башчысы энчи контрольгъа алгъанды, деп билдиредиле республиканы оноучусуну пресс-службасындан.