Республиканы муниципал къуралыулары билдиргенлерине кёре, быйылгъы жылда, алгъадан жарашдырылгъан планла бла жазлыкъ битимлени урлукълары 223 минг гектарда салыннгандыла, ол кёрюмдю былтырдан эсе тёрт процентге асламды.

Урлукъ салыу кампания Къабарты-Малкъарда тёреде бардырылыучусуча битеу агротехника жаны бла тохташдырылгъан болжаллагъа кёре ётгенди. Сабанчыла алгъадан окъуна урлукъла, минерал семиртгичле эм битимлени заранлы къуртладан къоруулагъан дарманла  бла жалчытылыннган эдиле, деп билдиредиле республиканы оноучусуну пресс -службасындан.

КъМР-ни Эл мюлк министерствосу билдиргеннге кёре, тирлик, анга къалай къарагъанларына, ол санда мылылыкъны не халда тутханларына, заранлы хансладан, къуртладан эм аурууладан къалай сакълагъанларына кёре боллукъду. Андан сора да табийгъат хауа болумла да уллу магъананы тутарыкъдыла.

Алгъадан этилген тёргеуле бла Къабарты-Малкъарда асламлы эл мюлк битимледен бай тирлик алыр муратлыдыла, деп айтылады билдириуде.   

Бизни корр.