Нальчикде Правительствону юйюню аллында бу кюнледе Росгвардияны аскерчилерин бла къуллукъчуларын кёллендириуге бурулгъан байрам болгъанды. Концертни шахарны администрациясы къурагъанды, анга республикада белгили артистле  къатышхандыла.

 КъМР-ни халкъ артисти Текуланы Амур сахнадан сёлеше, право низамны сакълагъан аскерчилеге борчларын толтургъанда кёргюзтген кишиликлери ючюн ыразылыгъын айтханды. Росгвардияны КъМР-де Управлениясыны келечиси капитан Залина Хамурзова уа аскерчилерибизни кёллендириуге бурулгъан ариу сёзле ючюн ыспас  этгенди. «Бизни батыр ата-бабаларыбызны  юлгюсюнде ёсген тёлюле Ата журтубузну жалынчакъсызлыгъы ючюн жанларын-къанларын аямай сермешириклерине ишексизме»,-дегенди ол .

Байрамны ахырында гуманитар-техника колледжни студентлери Ата журтубузну къоруулаучуларына хурмет этип, тизгиннге туруп, «Z» харфны къурагъандыла. 

Тикаланы Фатима хазырлагъанды.