КъМР-де Ич ишле министерствону коллегиясы видеоконференция байламлыкъла халда ётгенди. Аны Къабарты-Малкъарда МВД-ны башчысыны къуллугъун болжаллы халда толтургъан Назир Мамхегов бардыргъанды.
Жыйылыуда баш доклад бла КъМР-де МВД-ны Штабыны таматасы ич службаны полковниги Наталья Егорова сёлешгенди. Ол 2021 жылны тогъуз айына ведомствону органлары бла бёлюмлери не ишле тындыргъанларыны юсюнден билдиргенди эмда тёртюнчю кварталгъа салыннган борчланы да туура этгенди.
Кенгешде бёлюмлени таматалары отчёт кезиуде ишлерини эсеплери бла шагъырейлендиргендиле эмда оператив къуллукъларын игилендирир ючюн не мадарла этилгенлерини юсюнден да айтхандыла.
Ахырында келир заманда тамамланылыргъа керек болгъан баш магъаналы ишлеге къаралгъанды. Назир Мамхегов, битеу айтылгъан оюмланы, кёргюзтюлген амалланы эсге алыу бла, салыннган борчланы толтуруу бла байламлы буйрукъла бергенди.