Жууукъ заманда къурулуш ишлени чеклеринде 1936 жылда ишленнген Турбаза «Нальчикге» тынгылы ремонт этилликди. Аны къатында он минг квадрат метрге жетген жангы къонакъ юй комплекс да ишленирикди.

- Тарых магъаналы мекям туристле бла жерлешлерибиз солургъа сюйген ара паркны тийресинде орналады. Ол Уллу Ата журт урушну кезиуюнде аскер госпиталь болуп тургъанды. Бизни баш борчубуз аны айырмалы архитектура сыфатын сакъларгъады. Болсада мурдорунда онеки номери бла бутик-отель къураллыкъды, арбазында уа 128 номерге жангы къонакъ юй ишленирикди, дегенди, - "Сады Эльбруса" компанияны таматасы Ляна Арипшева проектни презентациясыны кезиуюнде.  

Уллулугъу он минг квадрат метрге жетген къонакъ юй комплексде ресторан, спа, фитнес-зал, бассейн боллукъду. Бусагъатда проектни бардырырча, профильли компания бла келишим этилликди. Проект, КъМР-ни Башчысы эм Туризм министерство да болушуп, эки жылны ичинде хазыр болур деп мурат этиледи.  

Магометланы Сулейман.