Къабарты-Малкъарда жашагъан 300 юйюр Россельхозбанкны хайырындан жашау болумларын игилендиргендиле. Октябрь айны алына Россельхозбанкны Къабарты-Малкъар филиалыны ипотекагъа деп ёнкючле берген бохчасыны ёлчеми 1,8 миллиард сомдан атлагъанды.  

2021 жылны 9 айына финанс биригиу 299 адамгъа битеу да алып тергегенде 665 миллион сомгъа жууукъ ипотека ёнкюч бергенди.

Ол жаны бла шёндю банкны кёрюмдюлери ёсе барадыла, озгъан жылдан осал болмазгъа ушайдыла.

«Банк ёнкючлени бериу амалларын тохтамагъанлай жангыртханлай турады, ол иш  адамлагъа тап болсун деген магъана бла бардырылады. Ёнкючню бере туруп, биз аны алгъанны хар онгун да тинтип, анга тап болсун деп, сора оноуну алай этебиз. Адамла асламысында хазыр фатарланы бла ичлерине кирип жашарча юйлени сатып аладыла», - деп билдиргенди газетни келечисине Россельхозбанкны Къабарты-Малкъар бёлюмюню таматасы Алим Сокуров.

 Бизни корр.