|
|
«Нальчик» къонакъ юйню орунуна жангысы сюелликди
3 июля, 2018 - 06:13
Къабарты-Малкъарны ара шахарында белгили «Нальчик» къонакъ юйню къабыргъаларын мугут басып, ол жараусуз болгъанлы талай жыл болады. Мекямны андан тазаларча уа бир жангы амал керек эди. Алай иги кесек заманны анда бир тюрлю мадар этилмегенинден болум иги да осалына кетгенди. Аны бла байламлы шахарны власть органлары аны оюп кетерип, алайда жангы къонакъ юй ишлерге оноу этгендиле, деп билдириледи информагентстволаны материалларында.
Жангы тёрт къатлы къонакъ юй аны озгъан ёмюрню ортанчы жылларындача аллай сыфат аллыкъды. Аллында фонтан боллукъду, къатында уа энтта да он къатлы къонакъ юй ишленирикди. Проектге кёре анда 114 номер боллукъду, тюбюнде уа машиналагъа парковка къураллыкъды. Биринчи этажында уа ресторан ачыллыкъды эмда жамауат объектле ишлерикдиле.
Къонакъ юйню къурулушун «Ай-БИ-СИ» трест бардырлыкъды. Проектни багъасыны ёлчеми, ал тергеулеге кёре 1,2 миллиард сомгъа жетеди. Аны 2021 жылгъа битдирирге мурат этиледи.
 |
26.04.2024 - 17:10 Солуу кюнде «Экология» миллет проектге кирген «Сейир суу объектлени сакълау» федерал проектге кёре, «Россейни суулары» деген экология акция ётерикди. |
 |
26.04.2024 - 17:09 Халкъыбыз не заманда да тойну-оюнну сюйген миллет болгъанына кёп шартла бардыла. Аны къобузда бла къыл къобузда аламат сокъгъан келечилеринден бири уа Темуккуланы Манаф болгъанды. |
 |
26.04.2024 - 09:03 Эрттенликде уяннганлай, башынгы жастыкъдан айыралмай къалсанг, ангылайса: биягъы къан басым. Жаз башы, жауунла, кюн бирде жай, бирде къыш, къан басымны терк тюрленнгени…Не зат этерге боллукъду? |
 |
26.04.2024 - 09:03 Дондагъы Ростовну «Левенцовский» спорт арасында эстетика гимнастикадан «Оскар» деген облатсь даражалы тёрели эришиу къуралгъанды. |
 |
25.04.2024 - 14:00 Нальчикде дзюдодан Сбербанкны кубогуна регионла аралы эришиу бардырылгъанды. Анга къыралны 7 субъектинден 200-ден аслам спортчу къатышханды. |
|
