КъБР-м и Iэтащхьэ КIуэкIуэ Казбек иджыблагъэ щыIащ ЩIыналъэм унафэ хуэщIынымкIэ центрым, илъэс кIуам и щэкIуэгъуэ мазэм къызэIуахам.Центрым и унафэщI Дыгулыбгъу Маринэ КIуэкIуэ Казбек щыгъуазэ ищIащ я лэжьыгъэм и унэтIыныгъэ нэхъыщхьэхэм. Центрыр зэрылажьэ зэманым къриубыдэу республикэм щыпсэухэм абы мини 3,5-рэ хуэдизрэ зыхуагъэзащ, абы щыщу минитIым щIигъур 2021 гъэр къызэрихьэрэ. Республикэм щыпсэухэр нэхъ зыгъэпIейтейхэм ящыщщ гъуэгухэм я щытыкIэр, псэупIэ-коммунальнэ хозяйствэм, узыншагъэр хъумэн IэнатIэм я лэжьэкIэхэр, цIыхухэр социальнэ и лъэныкъуэкIэ зыхуей хуэгъэзэным, егъэджэныгъэм епха Iуэхухэр. ЦIыхухэр зыщIэупщIахэм я жэуапхэр зы сыхьэтрэ ныкъуэм яIэрыхьэжу Iуэхур зэтеублащ икIи абы и лъэныкъуэкIэ центрыр къэралым щынэхъыфIщ.
Поделиться: ЧИТАТЬ ТАКЖЕ:
|