КъМР-ни Башчысы Казбек Коков РФ-ни Къырал Советини Россей Федерацияны стратегиялы айнытыуну соруулары жаны бла ишчи къауумуну - «Къурулуш, жашау журт-коммунал мюлк, шахар болум» бёлюмде - жыйылыууна къатышханды.
Аны комиссияны башчысы Рустам Минниханов бардыргъанды. Анда докладла бла РФ-ни Президентини болушлукъчусу, Къырал Советни секретары Игорь Левитин, РФ-ни Правительствосуну башчысыны орунбасары Марат Хуснуллин, РФ-ни къурулуш эм жашау журт-коммунал мюлк министри Ирек Файзуллин сёлешгендиле.
Игорь Левитин, жыйылыуну ача, комиссияны келечилерине тири ишлегенлери, жангы предложенияла хазырлагъанлары ючюн ыразылыгъын айтханды. Ол РФ-ни Правительствосу 2030 жылгъа дери миллет борчлагъа жетишир мурат бла стратегиялы айнытыуну бёлюмлерин къурагъанын билдиргенди. Бу кезиуге дери жыл сайын къыралда бек аздан 5 миллион юйюрню жашау болумларын игилендирирге керекдиле. Аны ючюн а 1 миллиард квадрат метр жашау журт ишленирикди. Башхача айтханда, къыралда мекямланы хар бешинчи метри жангыртыллыкъды, деп белгилегенди Марат Хуснуллин. Жылгъа бек аздан 120 миллион квадрат метр жашау журт ишленирге кереклисин эсгертгенди ол. Аланы сатыу-алыу рынокда уа ипотеканы онглары уллудула. Аны хайырын къурулушчула, инсанла да кёрлюкдюле.
Сёз агломерацияланы айнытыуну, жол, транспорт, инженер инфраструктурала бла жалчытыуну юслеринден да баргъанды.
КъМР-ни Башчысыны бла Правительствосуну пресс-службасы.