План артыгъы бла толтурулгъанды

15 января, 2021 - 07:41

Къабарты-Малкъар Республика былтыр агропромышленность продукцияны экспорту жаны бла борчун онюч процентге артыгъы бла толтургъанды. Федерал таможня службаны билдириуюне кёре, ол кезиуде республикада предприятияла сагъынылгъан продукциядан 22 миллион доллар багъасына сатыу этгендиле.
Аш азыкъ эмда жарашдырыучу промышленность предприятияланы продукцияларындан 7,2 миллион доллар багъасына сатаргъа къолдан келгенди. Мирзеуден а – 700 минг долларгъа. Тыш къыраллагъа эт эмда сют продукциядан жюз минг доллар багъасына жиберилгенди. Къалгъан онтёрт миллион долларгъа уа тюрлю-тюрлю продукция сатылгъанды.
Аны бла, айтылгъаныча, республикагъа 2020 жылгъа салыннган (19,5 миллион доллар) план иги да артыгъы бла толтурулгъанды. Аны юсюнден «АПК-ны продукциясыны экспорту» регион проектни чеклеринде КъМР-ни Правительствосу бла РФ-ни Эл мюлк министерствосу къурагъан келишимде айтылады.

Улбашланы Мурат хазырлагъанды.
  • 12 просмотров

Поделиться:

ЧИТАТЬ ТАКЖЕ:

26.04.2024 - 17:10

ЧЕРЕК ЖАГЪАЛА ТАЗА БОЛУРЧА

Солуу кюнде «Экология» миллет проектге кирген «Сейир суу объектлени сакълау» федерал проектге кёре, «Россейни суулары» деген экология акция ётерикди.
26.04.2024 - 17:09

ЭЛНИ ЖАШАУУНА КЪУУАТ БЕРГЕН

Халкъыбыз не заманда да тойну-оюнну сюйген миллет болгъанына кёп шартла бардыла. Аны къобузда бла къыл къобузда аламат сокъгъан келечилеринден бири уа Темуккуланы Манаф болгъанды.
26.04.2024 - 09:03

«КЪАН БАСЫМЫГЪЫЗ МАРДАДА ТУТУРЧА, БИР ЗАТХА АСЫРЫ БЕК КЪУУАНМАЗГЪА НЕДА КЪАТЫ АЧЫУ ЭТМЕЗГЕ КЮРЕШИГИЗ»

Эрттенликде уяннганлай, башынгы жастыкъдан айыралмай къалсанг, ангылайса: биягъы къан басым.  Жаз башы, жауунла, кюн бирде жай, бирде къыш, къан басымны терк тюрленнгени…Не зат этерге боллукъду?
26.04.2024 - 09:03

ЭМ АРИУ СПОРТДА – АЛЧЫ ЖЕРЛЕ

Дондагъы Ростовну «Левенцовский» спорт арасында эстетика гимнастикадан «Оскар» деген облатсь даражалы тёрели эришиу къуралгъанды.
25.04.2024 - 14:00

РЕСПУБЛИКАНЫ КЪАУУМУ – БИРИНЧИ

Нальчикде дзюдодан Сбербанкны кубогуна регионла аралы эришиу бардырылгъанды. Анга къыралны 7 субъектинден 200-ден аслам спортчу къатышханды.