Азербайджаным щыщ сурэтыщI Мамедзаде Тунзалэ и IэдакъэщIэкI телъыджэм муслъымэн дунейр итхьэкъуащ. Бзылъхугъэм шылэ хъа­рым дыщэпскIэ къурIэныр зэ­ры­щыту хидыкIащ.
Абы шылэу метр 50, дыщэ, дыжьын лэчу литрррэ ныкъуэрэ ихьащ. Тунзалэ а гукъэкI дахэр къы­щыхуэкIуар Истамбыл дэт Мармарэ Университетым тхыдэмрэ гъуазджэхэмкIэ я доктор щыхъуарщ. И интервьюхэм ящыщ зым абы щыжеIэ диссертацэр итхыху иригъэкIуэкIа къэхутэныгъэхэм КъурIэныр шылэм нэхъапэкIэ зыми къызэрыхимы­щIы­кIар къыщищIэу, абы зэрытегушхуар.
«Си япэ КъурIэныр шылэм къы­хэщIыкIащ, абы Iеягъэ лъэпкъ хэс­лъагъуэркъым, езы Тхылъ ЛъапIэма щэкIыр дурысу итщи», - жеIэ бзылъхугъэ IэпэIэсэм. ИлъэсищкIэ елэжьащ ар тхылъым. Абы хьэрыпы­бзэр фIыуэ зэрищIэм лэжьыгъэр щигъэпсынщIащ.
«Лэжьыгъэр нэхъ псынщIэу нэзгъэсыну сыщIэхъуэпсырт. Ар зыхуэбгъадэ хъун щымыIэ си IэрыкIщ. Алыхьым фIыщIэ хузощI ар къызэ­рыздигъэпсынщIам папщIэ. Сына­сы­пы­фIэщ, шылэм къыхэщIыкIа япэ ­КъурIэныр схуэщIащи».
НапэкIуэцIхэм я бгъуагъыр см 29-рэ, лъагагъыр 33-рэ мэхъу. Ар тритхы­кIащ Тыркум дин IуэхухэмкIэ и комитетым егугъуу щахъумэ КъурIэным.