Жыгхэр хъуа хъун, бэгъуэн пап­щIэ мэзхэм зэпымыууэ уи нэIэ ятетын зэрыхуейр зым и дежкIи щэхукъым. Аращи, республикэм и мэз IуэхущIапIэхэм агротехникэм къигъэув лэжьыгъэхэр щрагъэкIуэкI.
Жыг хасагъащIэхэр тэмэму хэкIэн папщIэ сатыр зэхуакухэм техникэкIэ елэжьын, жыг зэхуакухэр IэкIэ дэпщIыкIын, гъэщэбэн хуей мэхъу. А псори хуэгъэзащ жыгхэм нэхъ псынщIэу заужьыным, мэзхэр уэру къызэщIэувэным.
Республикэм и мэз хозяйстви­бгъум илъэсым къриубыдэу псори зэхэту апхуэдэ Iуэхухэр щрагъэкIуэкIынущ гектар миным. А лэжьыгъэхэр мы зэманым зэфIагъэкI «Экология» лъэпкъ проектым хыхьэ «Мэзхэр хъумэн» къэрал ­проектым ипкъ иткIэ.
Лэжьыгъэхэм щIадзэ удз ежьужь­хэр къызэрызэщIэрыуэу, нэгъуэщIу жыпIэмэ мэлыжьыхьым къы­щыщIэдзауэ щэкIуэгъуэ пщIондэ мэз хозяйствэхэм щызэпыуркъым абы теухуа лэжьыгъэхэр. ПсынщIэу зызыужь удзыжьхэм я зэранкIэ жыгыщIэр гъужынкIэ, хэмыкIэнкIэ хъунущ, абы къыхэкIыу хасагъащIэхэм набдзэгубдза­плъэу якIэ­лъоплъ. Жыгхэм я ныбжь елъыта­-уэ мэз кусэхэр зэкъым зэ­ра­гъэ­къабзэр, уеблэмэ удзыжь­хэр тхуэнейрэ къыщах къохъу.
Мэз лъабжьэхэр къабзэу гъэ щIэгъэкIыным мыхьэнэшхуэ иIэщ жыгхэм заужьынымкIэ икIи абы къыхэкIыу мы зэманым а лэжьыгъэм гулъытэшхуэ хуащI.