КIуэкIуэ Казбек лэжьыгъэ IуэхукIэ Москва щыхуэзащ УФ-м мэкъумэш хозяйствэмкIэ и министр Патрушев Дмитрий. Республикэм и унафэщIыр «Бжьыхьэ дыщафэ-2018» гъэлъэгъуэныгъэм еплъащ«Бжьыхьэ дыщафэ» ХХ урысей агропромышленнэ выставкэр и лэжьыгъэм хиубыдэу дыгъуасэ Москва щызэхуэзащ Урысей Федерацэм мэкъумэш хозяйствэмкIэ и министр Патрушев Дмитрийрэ Къэбэрдей-Балъкъэрым и Iэтащхьэм и къалэнхэр пIалъэкIэ зыгъэзащIэ КIуэкIуэ Казбекрэ. Ахэр тепсэлъыхьащ республикэм и агропромышленнэ комплексым зегъэужьыным, IэнатIэм къэрал дэIэпыкъуныгъэ етыным ехьэлIа Iуэхухэм. Гулъытэ хэха хуащIащ мэкъумэшыщIэхэм Iуэху щхьэхуэхэм трагъэкIуадэ ахъшэм щыщ хуапшыныжын папщIэ къаутIыпщ ахъшэм хэгъэхъуэным. Апхуэдэу хэплъащ къуажэ щIыналъэхэм зэпIэзэрыту зегъэужьынымкIэ программэм тету республикэм и жылагъуэхэр псыкIэ къызэрызэрагъэпэщ системэхэр щыухуэным трагъэкIуэдэн папщIэ къаутIыпщ ахъшэр 2019 гъэм нэхъыбэ щIыным.
Поделиться: ЧИТАТЬ ТАКЖЕ:
|