|
|
Къурулуш бла жашау журтла-коммунал мюлк тутхучлу ишлеп турурча
24 апреля, 2020 - 06:56
Къабарты-Малкъарны Башчысы Казбек Коков РФ-ни къурулуш эмда ЖКХ министри Владимир Якушев видеоконференция халда бардыргъан кенгешге къатышханды. Анда COVID-19 жайыла баргъан кезиуде къурулушну бла жашау журтла-коммунал мюлкню тутхучлу ишлеулерин жалчытыуну амаллары сюзюлгендиле. 2019-2020 жыллада юйлени жылытыуну бошаугъа эмда жангы кезиуге кёчюуге энчи эс бурулгъанды.
Министр алгъаракълада Россейни Президенти Владимир Путин ишчи жерлерин сакъларыкъ эмда къурулуш ишлерин 2020-2021 жыллагъа белгиленнген проектлеге кёре тамамларыкъ компаниялагъа кредитни процентлерини бир кесегине ахча бёлюрге буюргъанын эсге салгъанды. Башха мадарланы араларында уа комфорт-класслы фатарла алыргъа ипотеканы 6,5 процентге бериу эмда къурулуш компаниялагъа инфраструктура проектле бла байламлы келишимлерине авансны 50 процентге кёбейтиу да бардыла.
Владимир Якушев коронавирус бла байламлы салыннган чекле кетерилселе эмда Правительство къоранчланы тергесе, ол тизме кенгертилирге боллугъун эсгертгенди. «Битеу къурулуш ишле башлансала, биз къоранчларыбызны ёлчемин билликбиз, андан сора, шёндюгю мадарларыбыз хайырлы болгъанларын кёрсек, алагъа ахча бла энтта тутхучлулукъ этерикбиз, алай болмаса уа, къурулушха себеплик этиуню башха амалларын излерикбиз»,-дегенди Якушев.
Ол РФ-ни Къурулуш эмда ЖКХ министерствосу жашау журтланы рыногунда халгъа кёз-къулакъ болгъанлай турлугъун эмда къыйын болумдан чыгъаргъа себеплик этерик амалланы излеригин да эсгертгенди.
 |
26.04.2024 - 17:10 Солуу кюнде «Экология» миллет проектге кирген «Сейир суу объектлени сакълау» федерал проектге кёре, «Россейни суулары» деген экология акция ётерикди. |
 |
26.04.2024 - 17:09 Халкъыбыз не заманда да тойну-оюнну сюйген миллет болгъанына кёп шартла бардыла. Аны къобузда бла къыл къобузда аламат сокъгъан келечилеринден бири уа Темуккуланы Манаф болгъанды. |
 |
26.04.2024 - 09:03 Эрттенликде уяннганлай, башынгы жастыкъдан айыралмай къалсанг, ангылайса: биягъы къан басым. Жаз башы, жауунла, кюн бирде жай, бирде къыш, къан басымны терк тюрленнгени…Не зат этерге боллукъду? |
 |
26.04.2024 - 09:03 Дондагъы Ростовну «Левенцовский» спорт арасында эстетика гимнастикадан «Оскар» деген облатсь даражалы тёрели эришиу къуралгъанды. |
 |
25.04.2024 - 14:00 Нальчикде дзюдодан Сбербанкны кубогуна регионла аралы эришиу бардырылгъанды. Анга къыралны 7 субъектинден 200-ден аслам спортчу къатышханды. |
|
