Къэбэрдей-Балъкъэрым и Iэтащхьэ КIуэкIуэ Казбек Урысей ФСИН-м и унафэщI Калашников Александр хуэзащ.

КъБР-м и Iэтащхьэ КIуэкIуэ Казбек дыгъуасэ Налшык щыIущIащ Къэбэрдей-Балъкъэрым лэжьыгъэ IуэхукIэ къэкIуауэ щыIэ, УФ-м тезыр зытралъхьахэм егъэпшыныжынымкIэ и федеральнэ къулыкъум и унафэщI Калашников Александр.
ЗэIущIэм щытепсэлъыхьащ щIыналъэм и уголовнэ-гъэзэщIакIуэ IэнатIэм и лэжьыгъэр зэкIэлъыгъэкIуэнымкIэ, республикэм и къэрал властымрэ жылагъуэ IуэхущIапIэхэм я институтхэмрэ ядэлэжьэнымкIэ щыIэ Iэмалхэм, апхуэдэуи хэплъащ тезыр зытралъхьахэр щаIыгъ щIыпIэхэр егъэфIэкIуэ­ным, тутнакъхэр иужькIэ гъащIэм хэзэгъэжыным пыщIа къалэнхэм.
Урысей ФСИН-м и унафэщIым къыхигъэщащ щIыналъэм щыIэ я къудамэм илъэс кIуам лэжьыгъэфI зэриIар икIи КъБР-м и Iэтащхьэм фIыщIэ къыхуищIащ властым и республикэ органхэм а Iуэхум я нэIэ зэрыт­рагъэтым, зэрадэIэпыкъум папщIэ.
КIуэкIуэ Казбеки республикэм и уголовнэ-гъэзэщIакIуэ IэнатIэм гулъытэ къызэры­хуащIым папщIэ фIыщIэ яхуищIащ тезырхэр зытралъхьахэм егъэпшыныжынымкIэ федеральнэ къулыкъущIапIэм и уна­фэщIхэм икIи Калашников А. П. и лэжьыгъэ гугъум ехъулIэныгъэхэр щиIэну ехъуэ­хъуащ.

КъБР-м и Iэтащхьэмрэ Правительствэмрэ я пресс-IуэхущIапIэ.
Поделиться: