|
Баш ургъандыла, гюлле салгъандыла.
4 октября, 2019 - 07:48
Тюнене Абхазиядан келген къонакъла Нальчикде ол республиканы атын жюрютген майданны жокълагъандыла эмда абхазлыланы жалынчакъсызлыкъларын къоруулай жоюлгъан жерлешлерибизге ишленнген эсгертмеге гюлле салгъандыла.
Ол жумушдан сора сёлеше, Абхазия Республиканы вице-премьери эмда финансла министри Нанба Джансух Нальчикге биринчи кере келгенин эмда бу жолоучулугъу анга бек магъаналы болгъанын чертип айтханды. «Ма биз шёндю сюелген жер абхазлылагъа бек сыйлыды. Къабарты-Малкъардан жашла, кеслери ыразылыкълары бла урушха киришип, бизни эркинлигибиз ючюн жигитча сермешгендиле. Ол къарындаш билекликни бизни халкъ бир заманда да унутурукъ тюйюлдю»,- дегенди.
Андан сора ол Къабарты-Малкъар Республикада бюгюн бек магъаналы иш болгъанын - жангы башчысы айырылгъанын белгилеп, Абхазияда Казбек Коковну иги таныгъанларын, аны атасы Валерий Мухамедовични хурмети уа уллу жюрюгенин айырып айтханды.
|
26.04.2024 - 17:10 Солуу кюнде «Экология» миллет проектге кирген «Сейир суу объектлени сакълау» федерал проектге кёре, «Россейни суулары» деген экология акция ётерикди. |
|
26.04.2024 - 17:09 Халкъыбыз не заманда да тойну-оюнну сюйген миллет болгъанына кёп шартла бардыла. Аны къобузда бла къыл къобузда аламат сокъгъан келечилеринден бири уа Темуккуланы Манаф болгъанды. |
|
26.04.2024 - 09:03 Эрттенликде уяннганлай, башынгы жастыкъдан айыралмай къалсанг, ангылайса: биягъы къан басым. Жаз башы, жауунла, кюн бирде жай, бирде къыш, къан басымны терк тюрленнгени…Не зат этерге боллукъду? |
|
26.04.2024 - 09:03 Дондагъы Ростовну «Левенцовский» спорт арасында эстетика гимнастикадан «Оскар» деген облатсь даражалы тёрели эришиу къуралгъанды. |
|
25.04.2024 - 14:00 Нальчикде дзюдодан Сбербанкны кубогуна регионла аралы эришиу бардырылгъанды. Анга къыралны 7 субъектинден 200-ден аслам спортчу къатышханды. |
|