Бу кюнледе Элбрусну тёгерегине марафон чабыу бардырылгъанды, ол трейлраннингден (табийгъат рельефде чабыу) халкъла аралы Adidas x Alpindustria Elbrus World Race-2019 эришиулени чегинде къуралгъанды. Анда россейли спортчула биринчи юч жерни алгъандыла.
Биринчи Андрей Храмов (15:53:53) болгъанды, Виталий Шкельде экинчи жерди (15:54:16) – ала битеу жолну бир бирден хазна артха къалмагъанлай чапхандыла. Ючюнчю жаш Сочиденди – Антон Ререкин (16:23:20). Спортчула рекорд салгъандыла, алгъыннгы эсепни эки сагъатха игилендирип.
Къатышханла 5,4 минг метр бийикликге чыгъа Элбрусну тёгерегине чапхандыла. Ала тауну эки жанындан да кёралгъандыла, ауушланы, тик жерлени ётюп, арыгъанларын хорлай.
Къабарты-Малкъарда 2-3 августда сегизинчи кере бардырылгъан чабыулагъа тогъуз къыралдан 850 спортчу бла тири солууну сюйген инсан къатышхандыла. Elbrus 8,Trail, Marathon, Ultra эм Race дисциплиналадан эришиулени дистанциялары 256 километрден артыкъды.
Суратда: (ортада, солдан онга) Виталий Шкель бла Андрей Храмов.