КъБР-м Къэрал кIуэцI IуэхухэмкIэ щыIэ министерствэм щекIуэ­кIащ коллегием и зэIущIэ. Абы щыхэплъэжащ я лэжьыгъэм кърикIуам.
ЗэIущIэм хэтащ КъБР-м и фе­деральнэ инспектор нэхъыщхьэ Ткачёв ­Евгений, КъБР-м Эконо­микэ, жы­лагъуэ шынагъуэншагъэмкIэ и Советым и секретарь Тату Къазбэч, республикэ прокурорым и къуэдзэ юстицэм и чэнджэщэгъу нэхъыжь Дэрмывэ Игорь, Урысейм и МВД-м и Краснодар универси­тетым IэщIагъэм& щыхагъахъуэ и Кавказ Ищхъэрэ институтым (СКИПК, Налшык къ.)  и унафэщI полицэм и полковник Щхьэгъэпсо Заурбий, республикэ МВД-м и IэнатIэхэм я унафэщIхэр, министерствэм дэла­жьэ Жылагъуэ советым и тхьэмадэм и къуэдзэ Петровский Владимиррэ Хабзэхъумэ IэнатIэ­хэмрэ къэрал кIуэцIыдзэхэмрэ я ­ветеранхэм я советым и унафэщI Думай Борисрэ.
КъБР-м щыIэ къэрал кIуэцI IуэхухэмкIэ министр  полицэм и генерал-лейтенант  Ромашкин Игорь къыщыпсалъэм къыхигъэщащ ­къапщытэж мазихым республикэ МВД-м  зэрыщыпащар законым- рэ хабзэмрэ гъэбыдэным, цIыху-хэм, абыхэм я мылъкум я шы­на­гъуэн­шагъэм ехьэлIа лэжьы гъэм.
- Республикэ унафэщIхэмрэ IуэхущIапIэ зэмылIэужьыгъуэхэмрэ да­дэщIы­гъуу  едгъэкIуэкI лэжьыгъэм Iэмал къыдет республикэм къы­щыхъу-къыщыщIэхэм ди нэIэ тедгъэтыну, щIэпхъаджагъэм дызэры­пэщIэтыр дгъэбыдэну, зэфIэхыпхъэм и чэзум гу лъыттэну,- жиIащ Ромашкин Игорь.
Министрым къызэрыхигъэщащи, цIыхум  фэбжь хьэлъэ къызыхих, ­хъунщIэн, дыгъуэн щIэпхъаджагъэхэр нэхъ мащIэ хъуащ.
ЗэIущIэм  хэтахэр тепсэлъы-хьащ министерствэм и лэжьы-гъэр нэхъри егъэфIэкIуэным ­теухуауэ щIапхъэу къалъытэм.
Къэбэрдей-Балъкъэрым Къэрал кIуэцI IуэхухэмкIэ щыIэ  министерствэм и лэжьакIуэхэм я IэщIагъэм СКИПК-м зэрыщыхагъахъуэм кърикIуахэм  тепсэлъыхьащ институтым и унафэщI Щхьэгъэпсо Заурбий
Министерствэм и  лэжьыгъэм и унэтIыныгъэ нэхъыщхьэхэм я Iуэхур зытетым тепсэлъыхьащ  КъБР-м щыIэ МВД-м Экономикэ шынагъуэшагъэмрэ коррупцэм пэщIэтынымкIэ и управленэм, Наркотикхэм кIэлъыплъынымкIэ и IуэхущIапIэм, УГИБДД-м, Экстремизмэм пэщIэ­тынымкIэ и IэнатIэм я унафэщIхэр. Ахэр пыухыкIауэ къытеувыIащ я лэ­жьыгъэм пыщIа гугъуехьхэм.
ЗэIущIэм щагъэбелджылащ  гу     нэхъ зылъытапхъэхэр икIи министр Ромашкин Игорь ахэр пхыгъэкIыныр къалэн ящищIащ абыкIэ пщэрылъ зыхь лэжьакIуэхэм.
Коллегием и зэIущIэр Iуэху гуа­пэкIэ иухащ. Министерствэм и Iэтащхьэ Ромашкин Игорь  зи къалэныр фIыщIэ пылъу езыхьэкIхэм ведомствэм и дамыгъэхэр яритащ.