КъМР-ни Башчысы Казбек Коков 2024 -2027 жыллада жоллада тамамланырыкъ ишлени планы бла байламлы жыйылыуну бардыргъанды. Жаланда Нальчикде окъуна 2024 жылда Экинчи Таман дивизия эм Чернышевский атлы орамлагъа, Осетинская орамны кёпюрге дери, Юность эм Тепличный переулокланы, Балкарская орамны, Шогенцуков атлы орамны   Хуранова атлы орамгъа дери, Байсултанова, Карашаева, Жабаги Казаноко, Тенгизова, Абидова, Мусукаева атлы орамлада эм Ингушская орамгъа тынгылы ремонт этилликди. Сагъынылгъан орамлада чыракъла жанарыкъдыла эм аланы тёгереклери тапландырыллыкъдыла.

 Андан сора да 2025 жылда Кешоков атлы орамдан тебиреп, Экинчи Таман дивизия орамдан Шордановагъа дери, Суворова орамны Идарова орамдан тебиреп Самотечныйге дери, Шорса, Руставели (Профсоюзная - Мазлоева - Профсоюзная), Пирогова, Головко, Каменская, Шортанова, Тарчокова орамланы Кирова орамгъа дери эм андан ары Головко орамгъа дери ремонт этилликди.

2026 жылда Суворова орам Идарова ормадан тебиреп, Революционный орамгъа дери жангыртылынырыкъды. Дагъыда Пачева, Ногмов  атлы орамла, Калининградская, Люксембург, Инессы Арманд атлы орамла эм Калинина орамны Идарова атлы орамдан тебиреп жолла бирге къошулгъан жерге эм Горького атлы орамгъа дери тынгылы ремонт бардырыллыкъды.

Белгиленнген планнга кёре, 2027 жылда Толстой, Лермонтов, Пушкин атлы орамлада эм Балкарская орамны Хурановагъа дери эм Матросова орамлагъа дери жангыртырыкъдыла.  Дагъыда толсунлай Хуранова эм Чайковского атлы орамланы эм Кабардинская атлы орамны Осетинская орамдан тебиреп тынгылы ремонт этерикдиле.

Быйылгъы жылда Кабардинская орамны Идарова орамгъа дери  эм бирси жанына Осетинская орамгъа дери, дагъыда Осетинская орамда  Мальбаховагъа дери тынгылы ремонт этилгенди. Андан сора да Суворова, Калмыкова, Шогенова, Экинчи Таман дивизия атлы орамны Полевой орамгъа дери, сора Мазлоева орамны Экинчи Таман дивизиядан тебиреп, Профсоюзныйге дери ремонт бошалгъанды.  Дагъыда Пятигорская орамны  Шогенцукова орамдан тебиреп  Вологировагъа дери эм Нахушева орамны  Кешоковадан тебиреп Осетинская орамгъа дери, сора Руставели орамны  Экинчи Таман  дивизиядан  Профсоюзныйге дери жангыртхандыла.

 Бир жылны ичине республикада  орамланы жангыртхан 10 минг жангы чыракъ алышыннганды. Шёндю ол орамланы тапландырыу ишле бардырыла турадыла, деп билдиргендиле республиканы оноучусуну пресс-службасындан.