ДЫЖЬЫН МЕДАЛЬ РЕСПУБЛИКЭМ КЪЫХУЕХЬ

24 октября, 2023 - 05:54

Кавказ Ищхъэрэм и щIыналъэхэм тхэквондэмкIэ я федерацэм и секретарь нэхъыщхьэ Къанкъул Беслъэн къызэрыджиIамкIэ, Дагъыстэным и Каспийск къалэм жэпуэгъуэм и 14 - 16-хэм щекIуэкIащ Урысей Федерацэм паралимпийскэ тхэквондомкIэ (ВТФ, Олимп джэгухэм хыхьэмкIэ) и чемпионат.

БэнакIуэ цIэрыIуэу щыта Алиев Алий и цIэр зэрихьэу Каспийск къалэм дэт спорт уардэунэм щызэпеуащ зи Iэпкълъэпкъым сэкъат иIэ спортсменхэр. Псори зэхэту чемпионатым кърихьэлIащ къэралым и щIыналъэ 27-м къикIауэ бэнакIуи 150-м щIигъу.

Къэбэрдей-Балъкъэрым и гъэсэн Истамулов Лэкъумэн-Хьэчим килограмм 75-рэ зи хьэлъагъхэм я деж чемпионатым и дыжьын медалыр къыщихьащ. Япэ увыпIэр зэпеуэм щиубыдащ Дагъыстэным щыщ спортсмен Магомедов Магомед.

Истамулов Лэкъумэн-Хьэчим и тренерыр Щокъарэ Азрэталийщ.

ХЬЭЩЫКЪУЕЙ Олег.

  • 16 просмотров

Поделиться:

ЧИТАТЬ ТАКЖЕ:

06.05.2024 - 08:10

УРЫСЕЙМ И ЧЕМПИОН ШЭРИЙ ИНАЛБЭЧ

Мэзкуу областым хыхьэ Сколково щIэныгъэ къалэм къикIыу хъыбар гуапэ иджыблагъэ къытIэрыхьащ. Мы махуэхэм абы и «Live Арена» спорткомплексым щекIуэкIащ Урысейм бэнэкIэ хуитымкIэ и чемпионат.
05.05.2024 - 13:17

ЕГЪЭДЖЭНЫГЪЭМ И МАРДЭЩIЭХЭМ ХУОКIУЭ

Ди республикэм лэжьыгъэ IуэхукIэ дыгъуасэ къэкIуащ УФ-м егъэджэныгъэмкIэ и министр Кравцов Сергей.
05.05.2024 - 13:16

ГЪУЭГУ МАХУЭ ТЕТ МАФIЭГУР

«Жемчужина Кавказа» мафIэгур Налшык къыдыхьащ накъыгъэм и 2-м. Абы ис зыплъыхьакIуэхэм Iэмал ягъуэтащ Къэбэрдей-Балъкъэрыр, Iуащхьэмахуэ зрагъэлъагъуну. 
05.05.2024 - 09:03

ГЪАВЭ БЭВЫР Я ПЛЪАПIЭЩ

Май щIыналъэм гъатхэ губгъуэ лэжьыгъэхэм щоужьэрэкI, -къитащ иджыблагъэ щIыпIэ администрацэм мэкъумэш-промышленнэ комплексымкIэ и управленэм.
04.05.2024 - 09:03

БАЛЪКЪЫЗ КАМИЛЭ ДЫЩЭ МЕДАЛЬ КЪЕХЬ

УФ-м и еджакIуэхэм художественнэ гимнастикэмкIэ я урысейпсо спартакиадэм и 2-нэ Iыхьэр иджыблагъэ Астрэхъан къалэм щекIуэкIащ.