МГУ-м георграфиемкIэ и къудамэм и егъэджакIуэ Мухаметов Сергей зэрыжиIэмкIэ, Хиросимэ къыщыуа ядернэ лагъымыр секунд 20 къэскIэ къытригъэзэжурэ къэуам хуэбгъадэ хъунущ иджыблагъэ Ливием щыIа жьапщэр.

«Даниэль» зыфIаща жьапщаер хыщхьэм къыщызэщIэушэри, Ливием ихьат. Псыщхьэм къыщыунэхуа апхуэдэ жьапщэ лIэужьыгъуэхэр щIым нэса нэужь асыхьэту ужьыхыжын хуеями, мыр зэрыкIуэм хуэдэу къыпэщIэхуэу хъуар ирихащ. Аращ ар телъыджэ зыщIыр. Мухаметовым зэрыжиIэмкIэ, дунейм электростанцу тетым я къарур 200-кIэ гъэбэгъуауэ щIэлът а жьапщэм.

Ливием и хъыбарегъащIэ IэнатIэхэм къызэратымкIэ, фокIадэм и 10-м щыIа уэлбанэр «Даниэль» жьапщэм и Iэужьщ. Абы къихуа пшэ фIыцIэхэр кърикъутэха нэужь псыдзэм ихьащ жылагъуэ зыбжанэ, Эль-Бейрутрэ Дернэрэ щIыгъуу. ЩIыуэпс гузэвэгъуэм хэкIуэдауэ къалъытащ цIыху мин 11, мин 20-р хъыбарыншэу кIуэдащ. А бжыгъэр иджыри куэдкIэ зэрыхэхъуэнум хуэхьэзырщ къэрал унэфэщIхэр.

Фырэ Анфисэ.