МЧС-ни бийик усталыкъ билим бериу учрежденияларында окъугъан беш офицер республикагъа службаны ётерге келгендиле, лейтенантлагъа министерствону регионда Баш управлениясыны таматасы Михаил Надёжин тюбегенди. Ол, жаш адамланы окъууларын жетишимли бошагъанлары бла алгъышлап, къутхарыучулагъа ишлеринде къаллай излемле салыннганларыны юсюнден айтханды эм ала къуллукъларыны энчиликлерине тюшюннгюнчюге, ишде сынам алгъынчыгъа дери юйрениуле боллугъун билдиргенди. 

 

Кадрла, юйретиу эм усталыкъ билим бериу бёлюмню башчысы Тимур Бетуганов От тюшюуге къажау федерал службаны ишчилери къаллай борчла толтургъанлары, къутхарыучуланы жашау журтла бла жалчытыу, психология эм юйретиу иш къалай къуралгъаны, иш хакълары къалай тергелгени бла шагъырейлендиргенди. 

 

Жаш офицерле практика эм теория стажировканы ётерча, ал кезиуледе ала бла сынамлы офицерле ишлерикдиле, деп билдиредиле управленияны пресс-службасындан.