Къабарты-Малкъарда кийимле тикген «ВоенТекстильПром» предприятие къыралны къоруулау заказларын толтуруугъа къатышады. Анда Россей Федерацияны Къоруулау министерствосуна, МЧС-ге эмда башха ведомстволагъа кийимле, ырысхы керекле да тигедиле. 

Предприятияны жери сегиз минг квадрат метрден асламды. Аны кийимле тикген беш цехи, сынау, басмалау, бичген, хазырлагъан, накъышлагъан эмда башха бёлюмлери бардыла. Кеси да шёндюгю оборудование бла жалчытылыныпды. Аны тийресинде ашхана, медпункт да орналыпдыла. Ишчилеге хакъсыз ашатадыла, медицина  болушлукъ  алыр онгла да бередиле.

«ВоенТекстильПромну» бёлюмлери дагъыда Бахсанда бла Залукокоажеде бардыла. Алада минг чакълы адам ишлейди.

Юсюпланы Галина.