Продукциягъа сурам ёседи

Нальчикде бийик вольтлу аппаратураны заводу продукцияны асламыракъ чыгъарып башлагъанды. КъМР-ни Промышленность эмда сатыу-алыу министерствосундан билдиргенлерине кёре, предприятие быйыл биринчи алты айны ичинде 352,2 миллион сом багъасы электро оборудование сатханды. Озгъан жылны бу кезиую бла тенглешдиргенде ёсюм 39 процентге жетеди.
 
Бийик вольтлу токну ёчюлтюучю приборлагъа сурам бютюн уллуду. Алыучула аланы темир жол транспортда ток ызлада хайырланадыла. Быллай продукция Россей Федерациядан тышында Беларусьгъа, Къазахстаннга эмда Сербиягъа жибериледи.
Поделиться: