Черек районда жашланы аскерге чакъырыу барады. Ол иш ючюн жууаплы болгъан комиссия Къашхатауда военкоматда жарашдырылгъан планнга эмда графикге кёре ишлейди.
Бу аууздан битеу да 915 адам чакъырылыргъа керекди. Комиссиягъа 150 инсан келгенди, аладан 106-сыны саулукълары тинтилгенди, аскерге 5 адам алынырыкъды. Аскерде къуллукъ этерге сюйгенлерин чакъырылгъан жашланы асламысы айтадыла, алай бек алгъа бийик неда орта энчи билимлери, неда «С» категориялы водитель удостоверениялары болгъанла сайланадыла.
Аскерге чакъырыу баргъан кезиуде ол иш бла байламлы битеу службала борчларын бет жарыкълы, тырман этмезча толтурадыла. Тохташдырылгъан план толтуруллукъду.
Эсигизге салайыкъ: аскерге чакъырылгъанла комиссиягъа сылтаусуз келмей къалсала, 27 жыллары толса, аскер билетни орунуна справка алып къоярыкъдыла. Аны бла уа ишге кирир онг жокъду, ишлегенни уа ишден эркин этерге боллукъдула.
Черек районну администрациясыны пресс-службасы.
