ЩIыналъэпсо олимпиадэр йокIуэкI

Хабзэ хъуауэ, мы гъэм ебланэу КъБКъУ-м къы­щы­зэрагъэпэщащ Кавказ Ищхъэрэм хыхьэ щIыналъэхэм я школакIуэ нэхъыжьхэр зыхэт олимпиадэ зэIуха. АбыкIэ хъыбар дигъэщIащ университетым и пресс-IэнатIэм. Курыт школым щадж предмет зыбжанэ къызэ­щIэ­зыу­быдэ зэпеуэр гъатхэпэм и 16, 17 махуэхэм екIуэкIащ. Абы хэтащ Къэбэрдей-Балъ­къэрымрэ Ингуш Республикэмрэ я курыт школ­хэм щеджэ ныбжьыщIэ  ми­ни 3-м щIигъу.

- КъБКъУ-мрэ КъБР-м ЦIыхухэр егъэджэнымкIэ, щIэ­ныгъэмрэ щIалэгъуа­лэм я IуэхухэмкIэ и министерствэмрэ зэгъусэу къызэрагъэпэщ олимпиадэ зэIухар зы илъэсым нэхърэ къы­кIэ­лъы­кIуэм нэхъ цIэрыIуэ хъууэ­рэ, цIыху нэхъыбэ къы­хы­хьэурэ йокIуэкI. Гъэ къэси зэпеуэм унэтIыныгъэщIэхэр къыхохьэ. Мы гъэм ныбжьыщIэхэр япэу зэпеуащ инджылызыбзэмкIи, - жеIэ зи цIэ къитIуа министерствэм и пашэм и къуэ­дзэ Мокаев Ашэмэз. - Школа­кIуэ­хэм я дежкIэ мы­хьэ­нэшхуэ иIэщ мы зэпеуэм, сыту жыпIэмэ абы щыте­кIуэ­хэм къахьыфынущ еджапIэ нэхъыщхьэм щыщIэ­тIыс­хьэ­кIэ къахуэщхьэпэжын, къалъытэн балл бжыгъэхэр. Ап­хуэдэуи дэтхэнэ ныбжьыщIэми Iэмал иIэщ и щIэныгъэр здынэсыр къихутэфыну.
Гъатхэпэм и 16-м, олимпиадэм и япэ махуэм, школакIуэхэр зэпеуащ предмети 8-кIэ. Апхуэдэхэт математикэр, урысыбзэр, физикэр, тхыдэр, химиер, геогра­фиер, информатикэр, литературэр. НыбжьыщIэ нэхъыбэ здекIуэлIахэм ящыщщ тхыдэ, химие, урысыбзэ предметхэмкIэ зэпеуэхэр. КъыкIэлъыкIуэ махуэм школакIуэхэр хэтащ биологиемкIэ, обществознаниемкIэ, инджылызыбзэмкIэ, къинэмыщIауэ, аргуэру урысыбзэмрэ математикэмкIэ къызэрагъэпэща зэпеуэ­хэм. А махуэм бжьыпэр зыIыгъар биологие предметыращ. Абы сабий нэхъыбэ дыдэ екIуэлIащ.
Зэпеуэхэр къызы­хуэ­тын­шэу екIуэкIынымкIэ сэ­бэ­пышхуэ хъуащ университетым и волонтёрхэр. Абыхэм ныбжьы­щIэхэр яунэтIащ зэпеуэ щхьэ­хуэхэр щекIуэкIыну аудиторэхэмкIэ, упщIэ зиIэхэм жэуап иратащ.
Олимпиадэ зэIухам кърикIуахэм мы зэманым хоп­лъэ. Абы къигъэлъэгъуахэр къралъхьэнущ КъБКъУ-м и сайтым. ТекIуахэмрэ къыхэжаныкIахэмрэ балл тху­рытху хущIагъунущ, а унэтIыныгъэмкIэ университетым щы­щIэ­тIысхьэкIэ. Зэпеуэм зэ­ры­хэтамрэ абы къыщахьа баллхэмрэ щыхьэт техъуэ сертификатхэри иратыжынущ.

 

ЖЫЛАСЭ Маритэ.

Поделиться:

ЧИТАТЬ ТАКЖЕ:

18.03.2024 - 14:28

ДЫЩЭ МЕДАЛУ ПЛIЫ

Мейкъуапэ къалэм и «Уэщтын» спорт комплексым иджыблагъэ щекIуэкIащ Олимп джэгухэм дзюдомкIэ я чемпион Галстян Арсен и саугъэтхэр къэхьыным хуэунэтIа урысейпсо зэхьэзэхуэ.

18.03.2024 - 14:27

ШХАПIЭХЭМ Я ХЭХЪУЭР

2024 гъэм Къэбэрдей-Балъкъэрым и шхапIэхэм псоми зэхэту фейдэуэ кърагъэщIам и куэдагъымкIэ къэралым и щIыналъэ нэхъыфIипщIым яхыхьащ.

18.03.2024 - 08:59

ДИ НЫБЖЬЫЩIЭХЭМ ДАГЪЭГУШХУЭ

Гъатхэпэм и 3-м Новгород Ищхъэрэм щызэхуащIыжащ 2010 - 2011 гъэхэм къалъхуа ныбжьыщIэхэм папщIэ «Футбол цIыкIур - школым» урысейпсо Iуэхум и кIэух Iыхьэр.

18.03.2024 - 08:58

ПСЭУКIЭР ЗЭРЫЩЕФIАКIУЭР НЭРЫЛЪАГЪУЩ

Урысейм и Правительствэм и УнафэщIым и ­къуэдзэ Голиковэ Татьянэрэ КъБР-м и Iэтащхьэ КIуэкIуэ Казбекрэ лэжьыгъэ IуэхукIэ зэхуэзащ.

18.03.2024 - 08:58

СУРЭТЫЩI, ЕГЪЭДЖАКIУЭ

Налшык дэт Ткаченкэ Андрей и цIэр зезыхьэ ­ГъуазджэхэмкIэ музейм Нарткъалэ щыщ су­рэтыщI Чернощёковэ Ольгэ и IэдакъэщIэкIхэр щагъэ­лъагъуэ. Ар IэщIагъэм зэрыхэтрэ илъэс 30 зэрырикъуам теухуащ.