22 сентября, 2022 - 06:19
Иджырей адыгэхэр, къэбэрдейхэр, шэрджэсхэр къызэщIэзыубыдэ адыгэ лъэпкъыр къызэрыхъуа щIыкIэр кавказоведенэм иджыри IупщIу иубзыхуауэ плъытэ хъунукъым. Ауэ жыпIэ хъунущ адыгэхэм я къуэпсыр пасэрей меот, синд, псесс, керкет, зих, кашк (касоги) илъэс минитIым щIигъукIэ узэIэбэкIыжмэ, тенджыз ФIыцIэмрэ Азоврэ я Iуфэм щыщIэдзауэ Псыжь и къежьапIэр хиубыдэу Iусахэм я деж къызэрыщежьэр.
22 сентября, 2022 - 06:18
Гъуэгу техьамэ, зекIуэлIым гъуазэ иIэн хуейщ, мыгъуэщэн щхьэкIэ. Псыжьрэ Тэнрэ яку дэлъ губгъуэ нэщIым щихьэкIэ, адыгэ шум и гъуазэт уафэ бзыгъэм къитIысхьэ вагъуэхэр. Шыхулъагъуэм иригъуазэурэ, ар Тэн зэпрыкIырти, Индыл нэсырт, гъуни нэзи зимыIэ губгъуэ нэщIым щигъуэщыхьи къэхъуртэкъым.
21 сентября, 2022 - 06:35
Тамаев Iэсхьаб кавказ щIалэгъуалэм я деж щыцIэрыIуэ шэшэн спорт блогерщ икIи бэнакIуэщ. Дагъыстэным щыIэрэ пэт, тыкуэнышхуэхэм я зым псынщIэу щIыхьэу къыщIэкIыжыну и мураду, щIалэм машинэр хабзэм ебакъуэу игъэуващ.
21 сентября, 2022 - 06:35
Хэт зымыцIыхур Дюма и лIыхъужьхэу Д’Артаньян, виконт де Бражелон, граф Монте-Кристо сымэ? Ауэ куэд щымыгъуэзэнкIи хъунущ франджы тхакIуэр Кавказым зэрыщыIамрэ и нэгу щIэкIахэр тхылъу къызэрыдигъэкIыжамрэ.
21 сентября, 2022 - 06:35
Питкярантэ къалэм щыщ Корепанов Максим цIэ лей кIэрыпщIащ: «Интернет-дыгъуэгъуакIуэ». ЩIалэм ар и жагъуищэ хъууэ суд пащхьэм ихьа щхьэкIэ, хеящIэхэми и хьэтыр къалъэгъуакъым. Абдеж дыдэм къыщыщIагъэщащ Максим и напэр зэрытекIамкIэ езым и нэпсеягъэм фIэкIа зыри зэрымыкъуаншэр.
20 сентября, 2022 - 06:42
Адыгэхэм я гъащIэм зекIуэм мыхьэнэуэ щиIар къэлъытэгъуейщ. ЗекIуэм пыщIа Iуэхугъуэ псори зэхэплъхьэмэ, зы щIэныгъэ псо мэхъу. Абы зэпкърыхауэ тотхыхь тхыдэ щIэныгъэхэм я кандидат Мэрзей Аслъэн.
20 сентября, 2022 - 06:42
Иужьрей илъэсищым зэрымыува щытыкIэ къигъэнауэ къыщIэкIынкъым зэрымыщIэкIэ дунейр зыщIэзыубыда узыфэ зэрыцIалэм. Жьы дэхупIэ къыдитами, зи чэзууэ къеблэжа коронавирусым нэгъуэщIу зыкъегъэлъагъуэ иджы.
19 сентября, 2022 - 06:35
Адэ-анэм нэхърэ нэхъ лъапIэ мы дунейм тету къыщIэкIынкъым. Бынымрэ ар къэзылъхуамрэ къуэпс быдэкIэ зэпхащ. Абыхэм я зэпыщIэныгъэр зэпыча щыхъуам и деж сабийм и псэр гугъу йохь. Апхуэдэ гуныкъуэгъуэ зиIахэм ящыщщ 1937 гъэм Нартан къуажэм къыщалъхуа Зэхъуэхъу Назифэ.
19 сентября, 2022 - 06:35
Ижь-ижьыж лъандэрэ щыIэщ гъуэгу. ЦIыхум щэкIуэн, бдзэжьей ещэн щIидза нэужь, гъуэгуи хуэныкъуэ хъуащ. Мэзым лъагъуэ пхишу щIидзащ. ИтIанэ шыгухэр къежьэри, лъагъуэхэр нэхъ бгъуэ ящIын хуей хъуащ.
19 сентября, 2022 - 06:35
Дыщэр, дыжьыныр, жэзыр, гъуаплъэр къагъэIурыщIэу, я хьэпшып дахэхэмкIэ адрейхэм къахэщу къэгъуэгурыкIуащ ди лъэпкъым къыхэкIа цIыху IэпщIэлъапщIэхэр.
Страницы