ЗИ ЩIАЛЭГЪУЭХЭР ЗЭРЕГЪЭЦIЫХУ

Мы махуэхэм ди республикэм щокIуэкI «Зэныбжьэгъугъэм и лъэмыжхэр» нэгузегъэужь-хэкупсэ слётыр. Iуащхьэмахуэ лъапэ щызэхуэсащ «Пэрытхэм я зэщIэхъееныгъэ» къэралпсо зэгухьэныгъэм КъБР-м, КъШР-м, Ставрополь крайм щиIэ къудамэхэм хэт ныбжьыщIэ жыджэрхэр. Абыхэм яхуэзащ икIи гуапэу епсэлъащ зи цIэ къитIуа щIыналъэхэм я унафэщIхэу КIуэкIуэ ­Казбек, Темрезов Рашид, Владимиров Владимир сымэ. 

- Си дежкIэ мыхьэнэшхуэ иIэщ гъунэгъу щIыналъэхэм я щIалэ­гъуалэр зэзышалIэ зэIущIэ дахэ Къэбэрдей-Балъкъэрым зэрыщекIуэкIым. Ди мурадыр зыхуэгъэпсар зи щIалэгъуэхэр фы­зэрыцIыхуну, нэхъ гъунэгъуу фызэрыщIэну аращ. Фэ фи нэгу щIокI ди къэралым къихъуэ щIэблэм папщIэ IуэхугъуэфI куэд зэрыщызэ­фIахыр. Абы гулъытэ хэха хуещI ди Президент Путин Владимир, - жиIащ КIуэкIуэ Казбек. - Зэхуэсым кърихьэлIа псоми ехъу­лIэ­ныгъэщIэхэр фиIэну сынывохъуэхъу. Дэ тлъэкI псори тщIэнущ, фи гъащIэр нэхъ зэпэщ, купщIафIэ, екIу хъун, фи мурадыфIхэм фалъэIэсын папщIэ. 
 Апхуэдэ псалъэ гуапэкIэ ныбжьыщIэхэм зыхуагъэзащ Темрезов Рашидрэ Владимиров Владимирри. 
Къэбэрдей-Балъкъэрым и Iэтащхьэм фIыщIэ ин яхуищIащ Ставрополь крайм и губернатор Владимиров Владимиррэ Къэрэшей-Шэрджэс Республикэм и Iэтащхьэ Темрезов Рашидрэ ди республикэм къызэрыкIуам папщIэ. КIуэкIуэ Казбек ехъулIэныгъэхэр зыIэрагъэхьэну, лэжьыгъэ купщIафIэ кърахьэлIэну, ди республикэм зэрыщыIэну зэманыр гукъинэж яхуэхъуну ехъуэхъуащ «Зэныбжьэ­гъугъэм и лъэмыжхэр» зэхуэсым кърихьэлIа псоми. 

Поделиться:

ЧИТАТЬ ТАКЖЕ:

16.11.2026 - 09:22

Адыгагъэр, цIыхугъэр, хабзэр и лъабжьэу

Къызэрызэрагъэпэщрэ мы гъэм илъэс 21-рэ ирокъу Ставрополь къалэм щызэхэт «Адыгэхэр» щэнхабзэ центрыр.

15.11.2026 - 10:01

Дэтхэнэм дежкIи мыхьэнэшхуэ иIэщ

КъБР-м и Iэтащхьэ КIуэкIуэ Казбек хэтащ КъБР-м и Суд Нэхъыщхьэм и УнафэщIу ягъэува Дегтярев Игорь республикэм и судыщIэхэм щрагъэцIыхуа зэIущIэм.

15.11.2026 - 09:03

Бахъсэн къалэм и спорт утыкущIэхэр

Бахъсэн къалэм иджыблагъэ спорт ухуэныгъэу 3 къыщызэIуахащ: боксерхэм, зэзауэ зыхэт спорт лIэужьыгъуэхэмкIэ пэшхэмрэ топджэгу губгъуэщIэрэ.

14.11.2026 - 10:01

Ахъшэр зыхуэдизынумрэ нэхъыщхьэу зытрагъэкIуэдэнумрэ

Къэбэрдей-Балъкъэрым и Парламентым и комитетхэм иджыблагъэ ирагъэкIуэкIа зэIущIэхэм депутатхэр, министерствэхэмрэ IэнатIэ зэ­мылIэужьыгъуэхэмрэ я лIы­кIуэ­хэр я гъусэу, щытепсэ­лъыхьащ «КъБР-м и бю

14.11.2026 - 09:03

Лъэпкъ IэфIыкIэр зи IэрыкIхэр

Хьэмидей жылэм иджыблагъэ щагъэлъэпIащ фокIадэ мазэм екIуэкIа «Вкусы России» зэхыхьэм ди республикэр цIэрыIуэ щызыщIа къуажэдэс бзылъхугъэхэр.