«Къалэм и теплъэр егъэфIэкIуэн» къэрал проектымрэ  «ПсэупIэмрэ къалэмрэ» лъэпкъ проектымрэ хиубыдэу Дыгулыбгъуей къуажэм зыхуей щыхуагъэзащ Бахъсэнымрэ ЦIагъуэмрэ я уэрамхэр.

2023 - 2024 гъэхэм хиубыдэу Куба къуажэм псы къы­щIэ­шыпIэщIэ щаухуэнущ. «Псы къабзэ» программэм хиубыдэу ­Къулъкъужын Ипщэмрэ Ищхъэрэмрэ щызэрагъэпэщыжынущ псы зэфэнур зрикIуэ бжьамийхэр.
Ислъэмей дэт курыт еджапIэ №2-м «Демография» лъэпкъ проектым хиубыдэу къыщызэIуахащ къудамэ куэд хъу джэгупIэ, сабийхэм я узыншагъэр щрагъэфIакIуэ комплекс хэту. 
Къулъкъужын Ипщэм дэт курыт еджапIэ №2-м щаухуащ  ГТО-м и мардэхэр гъэзэщIэным хуэгъэпса утыку. Ахэр тре­нажёрхэмкIэ, гимнастикэ хуэIухуэщIэхэмкIэ къызэгъэпэщащ.
Ухуэныгъэхэм щыпащэнущ Кыщпэк, Зеикъуэ къуажэхэми.
Псыхъурей щаухуа спортзалым щIэтщ стIолыщхьэ тенни­сымкIэ джэгупIэ, тренажёр зэмылIэужьыгъуэхэр. 

Шэрэдж  Дисэ.