IЭПЩIЭЛЪАПЩIЭХЭМ Я IЭРЫКIХЭРКъэбэрдей-Балъкъэрым ЩэнхабзэмкIэ и фонд Вэрокъуэ Владимир и цIэр зезыхьэм щагъэлъагъуэ декоративно-прикладной гъуазджэмкIэ IэпщIэлъапщIэхэм я лэжьыгъэхэр. «Гъагъэ, си щIыналъэ» - аращ абы фIащар. Ар къызэрагъэпэщащ Къэбэрдей-Балъкъэрым и къэралыгъуэр илъэси 100, ЩэнхабзэмкIэ фондыр илъэс 35-рэ зэрырикъум я щIыхькIэ. - Гъуазджэм зэфIэкI щызиIэу республикэм ис щIалэгъуалэ IэпщIэлъапщIэхэр къыхэсшащ мы гъэлъэгъуэныгъэм. ДяпэкIи ди мурадщ мы Iуэхум зедгъэубгъуну, - жиIащ фондым и унафэщI Мэкъуауэ Люазэ. - СурэтыщI ныбжьыщIэхэм я дежкIэ ар IэмалыфIщ езыхэр зэрыцIыхунымкIэ, я лэжьыгъэхэр ягъэлъэгъуэнымкIэ, абыхэм щIэупщIэ яIэнымкIэ. Сурэтхэр КЪАРЕЙ Элинэ трихащ. ТЕКIУЖЬ Заретэ.
Поделиться: ЧИТАТЬ ТАКЖЕ:
|