Россейни Къырал Думасыны депутаты Анатолий Бифов республиканы инсанларыны бир къауумуну тилеклерине бла тарыгъыуларына тынгылагъанды. Эпидемиология болумну эсге алып, ушакъ видеоконференция амал бла бардырылгъанды.
Депутатха жарсыулары бла келгенле жашау болумларын игилендириуню, ЖКХ-ны ишини, багъалы дарманла бла жалчытыуну юслеринден айтхандыла. Анатолий Бифов аланы бир бирлерине ахча болушлукъ этгенди, башхалагъа законланы ангылатханды.
Видеоконференциягъа къатышханла депутатха соруула да бергендиле. Ала белгили этген жарсыуланы тюзетиу жаны бла буйрукъла этилгендиле. Бир-бир соруула тынгылы сюзюлгенден сора, жууаплы министерстволагъа бла ведомстволагъа депутат эсгертиуле жиберилликдиле.
Республиканы инсанлары айтхан жумушланы тамамлауну Анатолий Бифов кеси контрольгъа алгъанды.
Басмагъа Тикаланы
Фатима хазырлагъанды.