Усталаны намысына - тёрели турнирТырныауузну «Геолог» спорт-саулукъландырыу комплексинде тренер Муаед Дышековну бла Россейни спортуну устасы Текуланы Маратны хурметлерине боксдан тёрели турнир бардырылгъанды. Анга 2008-2009 эмда 2006-2007 жыллада туугъан 78 спортчу къатышханды. Ала КъМР-ни шахарларындан бла эллеринден башха, Дагъыстандан, Ингушетиядан да келгендиле. Къыстау баргъан эришиуледе бизни спортчуларыбыз 15 биринчи эм аллай бир да экинчи жерлени алгъандыла. Кеслерини жыл санларына бла ауурлукъларына кёре Шауаланы Руслан, Идар Карданов, Османлары Идар (Чегем ш.), Ёзденланы Къурман, Диналаны Тимур, Жантууланы Азиз (Тырныаууз ш.), Байзуллаланы Жамбулат, Маммаланы Аслан, Давид Борщевский (Элбрус эл) Мусукаланы Ахмат, Балаланы Ануар, Локияланы Рустам (Кёнделен эл), Инал Накусов (Терек ш.), Ахкёбекланы Алан (Бызынгы эл), Къартлыкъланы Амиран (Нальчик ш.) хорлагъандыла. Анатолий ТАЛАЕВ.
Поделиться: ЧИТАТЬ ТАКЖЕ:
|