|
|
ЗИ МАКЪ ДАХЭМКIЭ ДУНЕЙ ПСОР КЪЭЗЫХЬЭХУА
21 декабря, 2021 - 06:17
Дуней псом цIэрыIуэ щыхъуащ Иорданием щыщ, илъэсипщI зи ныбжь адыгэ оперэ уэрэджыIакIуэ БищIо Иман.
2008 гъэм Амман къалэм къыщалъхуа Иман илъэситI зэрыхъурэ оперэм дехьэх, ариехэр егъэзащIэ.
Абы и цIэр Урысейм апхуэдэу щымыIуами, и макъ дахэр цIыху мелуанхэм ягу дохьэ. КъуэкIыпIэ Гъунэгъумрэ дуней псомрэ IэIэт нэхъыбэ щызыIэригъэхьэри, ар «Arabs Got Talent» проектым пхыкIащ икIи доллар мин 55-рэ къыхуагъэфэщащ. "Америка ищет таланты" телепроектым и къэпщытакIуэхэри абы къедэIуа псори Иман къыдихьэхащ. Иджы адыгэ пщащэ цIыкIур дуней псом щыцIэрыIуэ телеканалхэм я ток-шохэм ирагъэблагъэ. Америкэм и Штат Зэгуэтхэм я NBC каналым интервью щитащ.
20I7 гъэм накъыгъэм и 25-м Иорданиер и къэралыгъуэр щагъэлъапIэм, пщащэр Рагадан уардэунэм ирагъэблагъэри, пащтыхь Абдалла II къритащ «ФIыщIэ зэрыбгъэдэлъым папщIэ» дыщэ медалыр.
Оперэм и вагъуэщIэ къэунэхуам и макъыр зэ зэхэзыхам къыгуроIуэ абы зэфIэкI зэриIэр. Гуапэщ хамэ къэрал щыщ ди лъэпкъэгъу пщащэм и цIэр дуней псом зэрыщыIуар! Иорданиемрэ Тыркумрэ къадэкIуэу, БищIо унэцIэр Урысейм, Къэбэрдей-Балъкъэрым щыкуэдщ.
ТЕКIУЖЬ Заретэ.
 |
08.05.2024 - 09:25 Сербием и къалащхьэ Белград накъыгъэм и 9 - 12-хэм щекIуэкIынущ Европэм тхэквондомкIэ (ВТФ, Олимп джэгухэм хыхьэмкIэ) и чемпионат. |
 |
08.05.2024 - 09:03 ТхакIуэ, журналист Къудей Владимир илъэс 70 ирокъу
|
 |
08.05.2024 - 09:02 Къэбэрдей-Балъкъэрыр хэгъэгушхуэм къызэрацIыхуж телечэщанэ цIэрыIуэр Радиом и махуэм ирихьэлIэу нурыбэу къызэщIагъэблэнущ, идз нэхум хэлъ тхыпхъэхэр макъамэрэ уэздыгъэ джэгуу зэхэту яутIыпщынущ. |
 |
08.05.2024 - 08:10 (Нарт тхыдэжь) |
 |
07.05.2024 - 09:00 «Псы ежэх» мыхьэнэ иIэу абхъазыбзэм къыхэна «пш» псалъэпкъым хуэдэ нэхъапэхэм адыгэбзэми хэтауэ къэтлъытэмэ, мы тхыгъэр зэхьэлIа щIыпIэцIэхэм хуэкIуэу, филологие щIэныгъэхэмкIэ доктор, профессор КI |
|
