Баш борч - халкъны къоркъуусузлугъун жалчытыргъады эмда халны андан ары осалландырмазгъадыКъабарты-Малкъарда тау череклени суулары жагъаларындан чыгъып, жолланы бла кёпюрлени бузгъанларындан сора, аланы тюзетиу эмда жангыртыу ишле къолгъа олсагъат алыннган эдиле эмда къыстау бара турадыла. КъМР-ни Башчысы Юрий Коковну буйругъу бла республиканы битеу жеринде къыйын болумну низамы андан ары бардырылады.
Элбрус районну Тегенекли элинде терк болушлукъ берген службаланы бригадалары ишлегенли экинчи кюн барады. Ала, ауур техниканы хайырланып, жолланы бузулгъан жерлерин тюзетедиле, Бахсан сууну ызын Чегет таладан, федерал магъаналы кёпюрден, энчи иели юйледен да бир жанына бурадыла. Бюгюнлюкде суу, газ эмда ток бла эллиле чырмаусуз жалчытылынадыла. Медицина, билим бериу учрежденияла, альплагерьле бла солуу базала хар замандача ишлеп турадыла.
Черек районда суу жагъаланы бегитип тургъан дамбаны оюлгъаны беш минг чакълы бир адам жашагъан Аушигерге уллу къоркъуу салып турады. Властьланы баш борчу – халкъны къоркъуусузлугъун жалчытыргъады эмда халны бютюн къыйыннга айландырмазгъады. Битеу чыкъгъан проблемалагъа олсагъат эс буруп, тийишли мадарла этер ючюн энчи правительстволу комиссия къуралып,ишлеп турады.
Поделиться: ЧИТАТЬ ТАКЖЕ:
|