|
|
ЖЫЛЭТЕЖ АХЬМЭД И КЪЫКIЭЛЪЫКIУЭ ТЕКIУЭНЫГЪЭ
11 декабря, 2021 - 06:30
Дыгъэгъазэм и пэщIэдзэхэм Сыктывкар къалэм щекIуэкIащ СССР-м спортым щIыхь зиIэ и мастер Паршуков Владимир и фэеплъу бэнэкIэ хуитымкIэ урысейпсо зэхьэзэхуэ. Абы и саугъэтхэмрэ спортым и мастер дамыгъэхэмрэ щIэбэнащ къэралым и щIыналъэ 19-м къикIа спортсмени 100-м щIигъу.
Къэбэрдей-Балъкъэрым щыщу зэхьэзэхуэм хэта Жылэтеж Ахьмэд иригъэкIуэкIа пэщIэдзэ зэIущIэхэм шэч къызытумыхьэн текIуэныгъэ дахэ къыщихьри финалым нэсащ. Зи хьэлъагъыр килограмм 70-м нэблагъэхэм я кIэух зэIущIэм ди щIалэри нэхъыфIу къыщыщIэкIащ икIи дыщэ медалыр зыIэригъэхьащ.
Фигу къэдгъэкIыжынщи, Жылэтежыр нэхъапэIуэкIэ щытекIуащ урысей бэнакIуэ цIэрыIуэ Кудухов Бесик и фэеплъу Краснодар щызэхэта къэралпсо зэхьэзэхуэм. Зы очкои и хьэрхуэрэгъухэм къаримыгъэхьу финалым нэса ди лъэпкъэгъум кIэух зэпэщIэтыныгъэм щыхигъэщIащ Дагъыстэным и лIыкIуэ Атаханов Фархад. Ар егъасэ Хьэнычэ Уэлий.
ФщIэн папщIэ, Паршуков Владимир и спорт гъуэгуанэм щIидзащ 1965 гъэм тенджыз ФIыцIэ флотыдзэм къулыкъу щрихьэкIым. 1967 гъэм Украинэм и чемпионатымрэ СССР-м и зэхьэзэхуэмрэ щытекIуэри къэралым спортым и мастер хъуащ. 1968 гъэм командэ къыхэхам ирагъэблагъэри СССР-м щIыхь зиIэ и тренер Дьякин Александр и деж и зыгъэсэныгъэхэм щыпищащ.
СССР-м и Кубокыр блэнейрэ къихьащ СССР-м и чемпион 3 хъуащ. Совет Союзым и абсолютнэ зэхьэзэхуэм щытекIуащ. 1975, 1977 гъэхэм Дунейпсо Кубокымрэ 1976 гъэм Евпропэм и чемпионатымрэ пашэныгъэр щиубыдащ.
Спорт гъуэгуанэ кIыхьым (илъэс 16-кIэ СССР-м командэ къыхэхам хэтащ) къриубыдэу алэрыбгъум зэIущIэ 4000-м нэблагъэ щригъэкIуэкIащ. «Знак Почёта» орденыр къыхуагъэфэщащ.
Жыласэ Замир.
 |
04.05.2024 - 09:03 УФ-м и еджакIуэхэм художественнэ гимнастикэмкIэ я урысейпсо спартакиадэм и 2-нэ Iыхьэр иджыблагъэ Астрэхъан къалэм щекIуэкIащ. |
 |
04.05.2024 - 09:03 Космонавтикэм и махуэм и щIыхькIэ Минводы къалэм футболымкIэ зэхьэзэхуэ иджыблагъэ щрагъэкIуэкIащ. |
 |
03.05.2024 - 09:15 ЗыгъэпсэхуакIуэхэр Къэбэрдей-Балъкъэрым къокIуэ и гуэл щхъуантIэхэр, псыкъелъэ цIэрыIуэхэр зрагъэлъагъуну, аузхэм къыщакIухьыну, псы хущхъуэ ирафыну, Iуащхьэмахуэ Iуплъэну, дэкIыну.
|
 |
03.05.2024 - 09:13 Мэлыжьыхьым и 18 - 19-хэм Урысей МВД-м и Краснодар университетым и Ставрополь къудамэм щекIуэкIащ Урысей МВД-м и щIыналъэ органхэм балигъ мыхъуахэм я IуэхухэмкIэ я IэнатIэхэмрэ хабзэм ебэкъуа балиг |
 |
03.05.2024 - 09:13 КъБР-м Егъэджэныгъэмрэ щIэныгъэмкIэ и министерствэм Сабийхэмрэ щIалэгъуалэмрэ я творчествэм зыщрагъэужь и уардэунэм щекIуэкIащ сабийхэр гъуэгу-транспорт къэхъукъащIэхэм хэмыхуэнымрэ ЮИД гупхэр къыз |
|
