ЖЕТМЕГЕН БАЛЛАНЫ КЪАЛАЙ КЪОШАРГЪА БОЛЛУКЪДУ

Лицевой счётунда (ИЛС) пенсия эркинликлерини юсюнден информацияны инсан Россейни Пенсия фондуну сайтында энчи кабинетни неда клиент службасында, къырал жумушланы порталыны юсю бла, Кёп функциялы аралада табаргъа боллукъду. ИЛС-де адам кеси неда иш бла жалчытхан организация берген шартла сакъланадыла, ала артда пенсия тохташдыргъанда керек боладыла. Данныйле барысы да кийирилгенине неда халат жиберилгенине ишеклигигиз бар эсе, фондну бёлюмюне консультация алыргъа барыргъа боллукъсуз.

ИЛС-де эсепге тюшгюнчю (2002 жылгъа дери), ишлеген жылларыгъызгъа шагъатлыкъ этген документлени алыргъа излей эсегиз, ол кезиуде уруннган организациягъа заявление жазаргъа, анда телефонугъузну бла адресигизни да белгилерге керексиз. Аладан жууап (ишге киргенигизни, башха жерге кёчгенигизни, сизни ючюн берилген страховой тёлеулени юсюнден къагъытланы нотариус къол салгъан копиялары) юч ишчи кюнден кеч къалмай келирге тийишлиди. Учреждение жабылгъан эсе, бу жумушну архивде тамамларгъа боллукъду. Артда алгъан документлеригиз бла Пенсия фондну бёлюмюне барыргъа жарарыкъды.

ИЛС-де ишлеген бир-бир кезиулеригизни юсюнден данныйле жокъ эселе, урунуу китапчыкъны хайырланыргъа да боллукъду. Ол тас болгъан эсе неда анда да жазыула жетмей эселе, урунуу келишимлени, ишлеген жеригизден берилген справкаланы, приказладан выпискаланы, хакъ алгъаныгъызны юсюнден ведомостьланы кёргюзтюрге да эркин этиледи. Бир-бир кезиуледе ишлегенигигизни кёрген адамланы шагъатлыкълары да эсге алынадыла.

Эсгертиу: берилген документледе застрахованный адамны аты, тукъуму, атасыны аты, къачан туугъаны, ишлеген жерини аты эм анда къаллай бир уруннганы эм талай башха данныйле чертилирге тийишлидиле. Урунуу китап законодательствогъа кёре толтурулургъа керекди. 2002 жылдан сора стаж жангызда страховой тёлеуле этилген кезиулеге тергеледи.

Кульчаланы Зульфия.

Поделиться:

ЧИТАТЬ ТАКЖЕ:

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.

28.03.2024 - 09:03

ИНВЕСТИЦИЯЛАГЪА – ЭНЧИ ЭС

Жангы предприятияла къурарча, производствону кенгертирча, инвестицияла этмей, башхача айтханда ишге ахча салмай боллукъ тюйюлдю.

27.03.2024 - 14:04

КЪАБАРТЫ-МАЛКЪАР РЕСПУБЛИКАНЫ БАШЧЫСЫ К.В.КОКОВНУ РОССЕЙ ФЕДЕРАЦИЯНЫ МИЛЛЕТ ГВАРДИЯСЫНЫ АСКЕРЛЕРИНИ КЮНЮ БЛА АЛГЪЫШЛАУУ

Росгвардияны Къабарты-Малкъар Республикада Управлениясыны хурметли аскерчилери, ишчилери эмда ветеранлары! Сизни Россей Федерацияны Миллет гвардиясыны аскерлерини кюню бла алгъышлайма!

27.03.2024 - 09:07

САКЪАТ САБИЙЛЕ ОКЪУУСУЗ КЪАЛМАЗЧА

Къабарты-Малкъарны Жамауат палатасында республиканы билим бериу учреждениялада сакъат эм къыйын ауругъан сабийлени окъутуу не халда болгъаны тинтилгенди.