Европэм и щыгу нэхъ лъагэм щызэпеуахэр ягъэлъэпIащУрысейм и Олимп комитетым и жэрдэмкIэ мазаем и 10-м къэралым щагъэлъэпIащ ЩIымахуэ спорт лIэужьыгъуэхэм я махуэр. Ар теухуауэ щытащ Сочэ къалэм ХХII ЩIымахуэ Олимп джэгухэр, ХI Паралимп щIымахуэ джэгухэр зэрыщрагъэкIуэкIрэ илъэситху зэрырикъум. Къэбэрдей-Балъкъэрым а махуэм Iуащхьэмахуэ и къежэхыпIэхэм бгы лыжэмкIэ ныбжьыщIэхэм я зэхьэзэхуэ къыщызэрагъэпэщащ. Абы кърихьэлIа хьэщIэ лъапIэхэм яхэтащ Урысей Федерацэм и Президентым и полномочнэ лIыкIуэу Кавказ Ищхъэрэ федеральнэ округым щыIэ Матовников Александр. Зэхьэзэхуэм щытекIуахэм кубокхэр, медалхэр, дипломхэр, саугъэт лъапIэхэр щратащ УФ-м и Президентым и полномочнэ лIыкIуэу ди округым щыIэ Матовников А. А., КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ К. В. сымэ.
Поделиться: ЧИТАТЬ ТАКЖЕ:
|