Битеуроссей халкъ фронтну (ОНФ)  Къабарты-Малкъарда келечилери озгъан кварталда тамамланнган жумушланы эсеплер эм этилирге керек ишлени  белгилер мурат бла  «тёгерек стол» бардыргъандыла. Аны чеклеринде бир къауум  къыйматлы проект сюзюлгенди. Ол санда  республиканы Правительствосу себеплиги эм  жамауат организацияланы болушлугъу бла онсегиз жылдан атлагъан сакъатлагъа кружокла къурарча  мадар этерге, Тырныауузда комбинат ишлеп башлагъаны бла   анга алгъыннгы (моногород) даражаны къайтарыргъа  эм башхала. Болсада  аланы жаланда  бир  къауумун айырыргъа керек боллукъду. Аны бла байламлы жамауатчыла 20 октябрьде  энтта да бир кере тюбеширге келишгендиле.    
Эсге сала айтсакъ, 2017 жылда  Роснедр Тырныауузда  вольфрам-молибден магъаданны къазаргъа лицензия берирча тендер бардыргъанды. Анга кёре, конкурсха жаланда «Элбрусну тау-магъадан комбинаты» къатышханды.  Алай бла  2018 жылда чыгъарылгъан эсеплеге кёре, биригиу ишлени башларгъа эркинлик алгъанды. Алгъаракъда уа КъМР-ни Башчысы  Казбек Коков Тырныауузда вольфрам - молибден къазгъан комбинат 2023 жылгъа жангыртыллыгъын  билдиргенди. 
Магометланы Сулейман.