Регионланы коронавирус инфекциягъа къажау хакъсыз дарманла бла жалчытыугъа деп 5,1 миллиард сомдан аслам бёлюнюрюкдю.

Къабарты-Малкъар ол жумушлагъа деп 27 миллион сом аллыкъды.  Кабардино-Балкария на указанные цели получит более 27 миллионов рублей. Аны юсюнден Россей Федерацияны Правительствосуну Председатели Михаил Мишустин тийишли бегимге къол салгъанды.

Ахча Правительствону къыстырыкъ фондундан бёлюнюрюкдю. Аны хайырындан бир миллион бла жарым адамны дарманла бла жалчытыргъа боллукъду.

«Сёз, медицина болушлукъну амбулатория болумлада алгъанланы юсюнден барады, башхача айтханда, врачла къарап, алагъа юйлеринде багъылгъанладыла. Ауруулары  къыйыннга кетмез ючюн профилактика бардырылады эм аны бла байламлы хар затдан да къоруулар амалланы хайырланадыла. Битеу керекли дарманланы врачны жазгъанына кёре, хакъсыз бередиле», - деп айтылады документде.

Премьер-министр белгилегеннге кёре, къыралда эпидемиология болум къыйын болумда къалады- кюн сайын 20 мингден аслам жангыдан ауругъан адам ачыкъланады, госпитальлагъа жатханланы саны да кёбейеди. Ол санда ауругъанланы асламысы юйлеринде бакъдырадыла.

 Бизни корр.