КЪМР-НИ БАШЧЫСЫ КЪОРКЪУУСУЗЛУКЪНУ ЖАЛЧЫТЫУ ЖАНЫ БЛА ЖЫЙЫЛЫУ БАРДЫРГЪАНДЫКъМР-ни Башчысы Казбек Коков къоркъуусузлукъну жалчытыу жаны бла координация жыйылыуну эм Къабарты-Малкъар Республикада Экономика эм жамауат къоркъуусузлукъну жалчытыу жаны бла Советни бирге ётдюрюлюучю кенгешни бардыргъанды. Жыйылыугъа КъМР-ни Парламентини Председатели Татьяна Егорова, КъМР-ни Правительствосуну Председатели Мусукланы Алий, РФ-ни Президентини Шимал-Кавказ федерал округда толу эркинликли келечиси Тимур Макоев, Право сакълаучу эм надзор органланы таматалары, кюч структураланы, министерстволаны, республиканы муниципал къуралыуларыны администрацияларыны башчылары къатышхандыла. Жыйылыуда миллетле аралы халла, жаш тёлю бла экстремизмге къажау профилактика ишни бардырыу соруула сюзюлгендиле. Доклад бла КъМР-ни миллетлени ишлери жаны бла эм граждан институтала бла байламлыкъла жюрютюу министрни къуллугъун толтургъан Анзор Курашинов, КъМР-ни жарыкъландырыу, илму эм жаш тёлюню ишлери жаны бла министри Анзор Езаов, Прохладна муниципал районну башчысы Андрей Журавлев, Урван районну таматасы Валерий Ажиев, Черек районну башчысы Борис Муртазов сёлешгендиле. Андан сора да табийгъат байлыкъланы хайырланыуда законнга бузукълукъ этгенлеге жораланып докладла болгъандыла. Ол жаны бла КъМР-ни табийгъат байлыкъла эм экология министрини орунбасары Мурат Апхудов эм Росприроднадзорну КъМР-де управлениясыны таматасы Асанланы Зейтун сёлешгендиле. КъМР-ни экономиканы айнытыу министри Рахайланы Борис Россейни Президентини буйругъуна тийишлиликде предприниматель ишни бардыргъанда административ тыйгъычланы къурутуну эм «Гитче эм орталыкъ предпринимательствогъа эм энчи предпринимательлик башламчылыкълагъа билеклик этиу» деген миллет проект къалай бардырылгъаныны юсюнден айтханды. Жыйылыуну ахырында тийишли оноула къабыл этилгендиле, сюзюлген сорууланы юсюнден ишлеу бёлюмле белгиленнгендиле. Бизни корр.
Поделиться: ЧИТАТЬ ТАКЖЕ:
|