Бу кюнледе «Къабарты-Малкъар Республиканы профсоюз организацияларыны биригиую» союзну юйюнде къууанчлы иш болгъанды. Анда, Физкультурачыны кюнюне жоралап, Къабарты-Малкъарны спортуну ветеранлары саугъаланнгандыла. Аланы алгъышларгъа КъМР-ни профсоюзларыны таматасы Фатимат Амшокова эмда физкультура эм спорт жаны бла ишлегенлени профсоюзларыны рескомуну председатели Александр Заруцкий келгендиле.
Саугъаланнганланы араларында Аттасауланы Мухарны жашы Магомет да барды. Ол Бабугентде жашайды, Черек районда сабий спорт школда къыркъ жылдан аслам заманны ишлегенди, кёп тёлюлени спорт бла кюреширге талпындыргъанды.
Къашхатаудан дагъыда ауур атлетикадан СССР-ни спортуну устасы, Нальчик шахарда спортну ветеранларыны советини таматасы Уяналаны Биязуркъаны жашы Владимир да белгиленнгенди.