|
ХэкIыпIэхэр къалъыхъуэ
15 июля, 2021 - 07:45
КъБР-м узыншагъэр хъумэнымкIэ и министр Къалэбатэ Рустам хэтащ куэдрэ узримыхьэлIэ узыфэхэр (орфаннэ) зыпкърытхэр къэхутэнымрэ ахэр гъэхъужынымкIэ Кавказ Ищхъэрэ щIэныгъэ-практикэ конференцым.
ЗэIущIэр Къэбэрдей-Балъкъэрым и щIыналъэм щекIуэкIын хуейуэ щытат, ауэ коронавирус узыфэ зэрыцIалэр зыпкърытхэм я бжыгъэм зэрыхэхъуэм къыхэкIыу, онлайн жыпхъэм иту къызэрагъэпэщащ.
Конференцым къыщыпсэлъащ федеральнэ медицинэ центрхэмрэ еджапIэ нэхъыщхьэхэмрэ я IэщIагъэлIхэр, ди республикэм и дохутыр пажэхэр.
- Узыншагъэр хъумэнымкIэ IэнатIэм ехьэлIауэ Урысей Федерацэм и къэрал политикэм нобэ щигъэнэхъыщхьэхэм ящыщщ куэдрэ узримыхьэлIэ узыфэхэр зыпкърыт сымаджэхэм зыхуэныкъуэ медицинэ дэIэпыкъуныгъэр егъэгъуэтынымрэ хущхъуэкIэ къызэгъэпэщынымрэ, - жиIащ министрым зэIущIэр къыщызэIуихым. – Мы илъэсым и пэщIэдзэм УФ-м и Президентым и унафэкIэ къэунэхуа «Круг добра» фондым узыфэ хьэлъэ зыпкърыт сабийхэм фIагъ лъагэ зиIэ Iэзэгъуэхэр ягъуэтынымкIэ мыхьэнэшхуэ егъэзащIэ. Абы ехьэлIауэ республикэми Iуэху щхьэхуэхэр къыщетхьэжьащ. Академик Бочков Н. П. и цIэр зезыхьэ медико-генетикэ щIэныгъэ центрыр ди дэIэпыкъуэгъуу щIыналъэм щыщу гипофосфатазие узыфэр зыпкърыт сабийхэр и чэзум къэхутэным теухуауэ лэжьыгъэ идогъэкIуэкI.
ЗэIущIэм щытепсэлъыхьащ куэдрэ узримыхьэлIэ узыфэхэр нэхъ пасэу къэхутэным теухуауэ щыIэ Iэмалхэм, ар сабийм зэрыпкърытыр къозыгъащIэ нэщэнэхэр зыхуэдэм, апхуэдэу клиникэ щытыкIэ зэмылIэужьыгъуэхэр щызэпкърахащ.
Конференцыр сыхьэтитхукIэ екIуэкIащ. Абы хэтащ Къэбэрдей-Балъкъэрым щыщу дохутыр 70-м нэблагъэ, Кавказ Ищхъэрэ федеральнэ щIыналъэм хыхьэ республикэхэм я IэщIагъэлIхэуи апхуэдиз дыдэ.
|
25.04.2024 - 09:15 Урысей гвардием и управленэу КъБР-м щыIэм и лэжьакIуэхэр щыIащ Бахъсэн щIыналъэм хыхьэ ХьэтIохъущыкъуей къуажэм дэт, Урысей гвардием и СОБР-м и лэжьакIуэ, зи къалэн зыгъэзащIэу хэкIуэда Дыкъынэ Зам |
|
25.04.2024 - 09:03 «ЩIым и махуэ» зыфIащар 1971 гъэм япэ дыдэу США-м щагъэлъэпIащ. АбыкIэ жэрдэмыр къыхэзылъхьауэ щытар ЮНЕСКО зэгухьэныгъэрщ. |
|
24.04.2024 - 09:09 Мэлыжьыхьым и 12-м щегъэжьауэ Азау хуейм машинэ ирагъэхьэжынукъым. Абдеж щащIа гъэувыпIэр иджы дыдэ къызэIуахащ, машинэ 800 ихуэу. |
|
24.04.2024 - 09:09 Налшык къалэм иджыблагъэ щекIуэкIащ дзюдомкIэ 27-нэ щIыналъэ зэхьэзэхуэ. |
|
24.04.2024 - 09:08 Налшык къалэм и уэрамибл, псори зэхэту километри 8 я кIыгъагъыу, мы махуэхэм зэрагъэпэщыж. |
|