|
КъБР-м и Iэтащхьэ КIуэкIуэ Казбек Iэ тридзащ Республикэр Санкт-Петербург къалэм и Правительствэм зэрыдэлэжьэнум теухуа зэгурыIуэныгъэм
8 июня, 2021 - 06:46
КъБР-м и Iэтащхьэ КIуэкIуэ Казбекрэ Санкт-Петербург и губернатор Беглов Александррэ Iэ традзащ щIыналъэхэр лъэныкъуэ куэдкIэ зэрызэдэлэжьэнум теухуа, 2021 - 2026 гъэхэм ятещIыхьа зэгурыIуэныгъэм. Къэбэрдей-Балъкъэрымрэ Санкт-Петербург къалэмрэ зэрызэдэлэжьэну «гъуэгу картэм» хеубыдэ сату-экономикэ, щIэныгъэ-техникэ, щэнхабзэ, социальнэ унэтIыныгъэхэр.
«Санкт-Петербург щытщ Урысей Федерацэм и экономикэ, щэнхабзэ центр нэхъ лъэрызехьэхэм ящыщу икIи зэгурыIуэныгъэм щыубзыхуахэр гъэзэщIэным дэ Iэмал къыдитынущ ди IуэхущIапIэхэр зэпыщIауэ зэдэлэжьэнымкIэ. Дэ дыхьэзырщ ди туризм IэнатIэм зегъэужьыным, цIыхухэм зыщагъэпсэху, я узыншагъэр щрагъэфIакIуэ центрхэр къызэгъэпэщыным, мэкъумэшхэкIхэм елэжьынымрэ хъумэнымрэ хуэщIа IэнатIэхэр гъэлэжьэным питер и IуэхущIапIэхэмрэ хьэрычэтыщIэхэмрэ я мылъку къыхалъхьэн папщIэ зыхуей щытыкIэхэр къахузэдгъэпэщыну», - къыхигъэщащ КIуэкIуэ Казбек зэпсэлъэныгъэхэр щекIуэкIым.
Мы зэманым республикэм къыхилъхьауэ, Санкт-Петербург щIыналъэщIыб зэпыщIэныгъэхэмкIэ и комитетым щIыгъуу йолэжь ищхъэрэ къалащхьэм щыщ сабийхэм гъэмахуэм Къэбэрдей-Балъкъэрым зыщегъэгъэпсэхуным ехьэлIа Iуэхухэм. Апхуэдэуи я мурадщ мы гъэмахуэм, бадзэуэгъуэм и 17 - 27-хэм къриубыдэу, «Зыхъумэжыныгъэ гъуэгуанэ» зыфIаща хэкупсэ Iуэхум и 23-нэ экспедицэр Къэбэрдей-Балъкъэрым щрагъэкIуэкIыну. Ар ирагъэхьэлIащ Хэку зауэшхуэр къызэрыхъейрэ илъэс 80 щрикъум.
Фигу къэдгъэкIыжынщи, щIыналъэхэр зэдэлэжьэным теухуа зэгурыIуэныгъэм Iэ традзауэ щытащ 2015 гъэм, 2020 гъэм абы и унэтIыныгъэ зыбжанэ къагъэщIэрэщIэжри елэжьын щIадзащ. Илъэс кIуам къриубыдэу республикэм и IуэхущIапIэ пажэхэм къалэм хуаутIыпщащ консервхэкIыу, гъэшхэкIыу, лыхэкIрэ IэфIыкIэу, псыуэ, нартыху крахмалу, мыIэрысэу сом меларди 2,2-рэ и уасэ. Санкт-Петербург и IуэхущIапIэхэмрэ сату IэнатIэмрэ хурагъашэ кабель-кIапсэ продукцэ зэмылIэужьыгъуэхэр. Санкт-Петербург Узыншагъэр хъумэнымкIэ и департаментым иращIылIа зэгурыIуэныгъэм ипкъ иткIэ абы и медицинэ центр нэхъ лъэщхэм технологие лъагэр зи лъабжьэ дэIэпыкъуныгъэ щагъуэтащ республикэм щыщ цIыхуи 142-м. Накъыгъэм и кIэм яутIыпщащ Налшыкрэ Сантк-Петербургрэ зэпызыщIэну кхъухьлъатэр. Ари хуэщхьэпэнущ щIыналъэхэр зэдэлэжьэным.
Республикэр ищхъэрэ къалащхьэм нэхъыбэу щыдэлэжьэнур агропромышленнэ комплексымрэ промышленностым и IэнатIэхэмрэщ. Абыхэм ящыщщ электроэнергетикэ IэнатIэм папщIэ вольт лъагэм ирилажьэ аппаратурэр, налмэс Iэмэпсымэхэр, кабель-кIапсэ продукцэр, бжыгъэр зи лъабжьэ иджырей рентген медицинэ техникэр яхуегъэшэныр, апхуэдэуи Къэбэрдей-Балъкъэр Республикэм и курорт-рекреацэ, туризм IэнатIэхэм я Iэмалхэр къагъэсэбэпыныр.
КъБР-м и Iэтащхьэмрэ Правительствэмрэ я пресс-IуэхущIапIэ.
|
08.05.2024 - 09:25 Сербием и къалащхьэ Белград накъыгъэм и 9 - 12-хэм щекIуэкIынущ Европэм тхэквондомкIэ (ВТФ, Олимп джэгухэм хыхьэмкIэ) и чемпионат. |
|
08.05.2024 - 09:03 ТхакIуэ, журналист Къудей Владимир илъэс 70 ирокъу
|
|
08.05.2024 - 09:02 Къэбэрдей-Балъкъэрыр хэгъэгушхуэм къызэрацIыхуж телечэщанэ цIэрыIуэр Радиом и махуэм ирихьэлIэу нурыбэу къызэщIагъэблэнущ, идз нэхум хэлъ тхыпхъэхэр макъамэрэ уэздыгъэ джэгуу зэхэту яутIыпщынущ. |
|
08.05.2024 - 08:10 (Нарт тхыдэжь) |
|
07.05.2024 - 09:00 «Псы ежэх» мыхьэнэ иIэу абхъазыбзэм къыхэна «пш» псалъэпкъым хуэдэ нэхъапэхэм адыгэбзэми хэтауэ къэтлъытэмэ, мы тхыгъэр зэхьэлIа щIыпIэцIэхэм хуэкIуэу, филологие щIэныгъэхэмкIэ доктор, профессор КI |
|