ФСИН-ни КъМР-де Управлениясы республиканы уголовный-толтуруучу системасыны учрежденияларында тутулуп тургъанланы, ишлери сюдлюк болгъанланы, жууапха тартылгъанланы право эркинликлери эмда законлу сейирлери къалай жалчытылгъанларын билир ючюн деп «тюзюнлей байламлыкъ» къурагъандыла.
Аны ишине УФСИН-ни таматасы ич службаны полковниги Аслан Лихов, республикада жамауат халкъ контрольну председатели Анатолий Барсагов эмда ведомствону жамауат советини башчысы Алтууланы Мухтар, уголовный-тюзетиучю системада адамны эркинликлери къалай сакъланнганлары жаны бла управленияны таматасыны болушлукъчусу Текаланы Рита къатышхандыла.
«Тюзюнлей байламлыкъны» кезиуюнде инсанла, телефон бла сёлешип, алагъа керекли сорууланы къаллайын да берирге онг тапхандыла. Андан сора да, тюбешиуге къатышханла уголовный-толтуруучу системаны жамауат биригиуле бла бирге ишлеуюню, тутулуп тургъанланы эркинликлерин бла законлу сейирлерин къоруулауну амалларын сюзгендиле.
Быллай мадарла республиканы пенитенциар системасыны башчыларыны инсанла бла байламлыкъларын къурауну ахшы себеби болгъанын белгилерге тийишлиди, деп билдиредиле бизге КъМР-де УФСИН-ни пресс-службасындан.
