|
Гъуэгухэм фыщысакъ
1 июня, 2021 - 07:01
Къэбэрдей-Балъкъэрым гъуэгум шынагъуэншэу щызекIуэным ехьэлIауэ щрагъэкIуэкI еханэ тхьэмахуэм жыджэру хэтащ икIи «Гъуэгухэр ГъащIэм папщIэ» къыхуеджэныгъэр даIыгъащ Кавказ Ищхъэрэм и республикэхэм щIыхь зиIэ я эстрадэ артист цIэрыIуэхэм.
ЦIыхухэр щыпсэу, икIи лъэс лъагъуэхэр сабийхэм дежкIэ шынагъуэншэу щытын папщIэ гъуэгухэм зэрыщызекIуэ псынщIагъыр сыхьэтым километр 30-м фIамыгъэкIыну рулым дэсхэр къыхуриджащ Къэбэрдей-Балъкъэр, Ингуш республикэхэм щIыхь зиIэ я артист Текуев Амур. Абы къыхигъэщащ шынагъуэншагъэр щегъэфIэкIуэныр дэтхэнэ зыми къызэрыдэлъытар. А Iуэхум траухуа плакатым Текуев Амур тритхащ «ПсынщIагъэр гъэмащIэ - гъащIэр къегъэл!» псалъэхэр.
Къэбэрдей-Балъкъэрым, Адыгейм, Къэрэшей-Шэрджэсым щIыхь зиIэ я артист, зэхьэзэхуэ зэмылIэужьыгъуэхэм куэдрэ ехъулIэныгъэхэр къыщызыхьа Апэнэс Астемыр шофёрхэр къыхуриджащ сабийхэм хуэсакъыну, псынщIэу къамыжыхьыну. Абы плакатым тритхащ «Сабийхэри фэри зыфхъумэ!» псалъэхэр.
Къэбэрдей-Балъкъэрым щIыхь зиIэ и артисткэ Ракитинэ Иринэ къыхигъхэщащ школхэм, сабий садхэмрэ цIыху зэхуэсыпIэхэмрэ я гъунэгъу ущыхъукIэ, автомашинэм и псынщIагъым кIэрыбгъэхун зэрыхуейр. «ФымыпIащIэ, итIанэщ зым адрейр щихъумэфынур!» - итхащ артисткэм. «Гъуэгухэм фыщысакъ!» Фэри ди сабийхэри фхъумэ!», - дыщIигъужащ Ракитинэ Иринэ.
ЗэIущIэм и кIэухыу, Урысей МВД-м Налшык къалэм щиIэ управленэм и ГИБДД-м и инспекторхэм ящIыгъуу, Текуев Амур, Апэнэс Астемыр, Ракитинэ Иринэ сымэ артист цIэрыIуэхэм «Дороги Для Жизни» хештегыр яIыгъыу сурэт зытрагъэхащ.
|
07.05.2024 - 09:00 «Псы ежэх» мыхьэнэ иIэу абхъазыбзэм къыхэна «пш» псалъэпкъым хуэдэ нэхъапэхэм адыгэбзэми хэтауэ къэтлъытэмэ, мы тхыгъэр зэхьэлIа щIыпIэцIэхэм хуэкIуэу, филологие щIэныгъэхэмкIэ доктор, профессор КI |
|
07.05.2024 - 09:00 (Хъыбар)
|
|
07.05.2024 - 08:59 Урысейм и социальнэ фондым и къудамэу Къэбэрдей-Балъкъэрым щыIэм дызэрыт илъэсым зэрыщIидзэрэ сабий мин 38-м я адэ-анэм, цIыхубз уэндэгъухэм зыуэ ират ахъшэ пособиехэр хуагъэуващ. |
|
06.05.2024 - 12:35 КъБР-м и Лъэпкъ музейм и пэшхэм зэуэ выставкэ зыбжанэ щагъэлъагъуэ: «Монументальный Нальчик», «Музыка танца», аэроклубыр Налшык къызэрыщызэIуахрэ илъэс 90 зэрырикъум теухуар. |
|
06.05.2024 - 09:25 Налшык сабий сад №49-м и гъэсэн цIыкIухэм адыгэ ныпыр ирагъэцIыхуащ. Абы теухуа пшыхь гъэщIэгъуэн иригъэкIуэкIащ IуэхущIапIэм и лэжьакIуэ, сабийхэр адыгэбзэм хуезыгъаджэ Жэрыщты Аринэ. |
|